هموم زوجه تبي حل ارجو الرد من الرجااااااااااال وحريمم

[دلوعة زماني vip]

مشكلتي مع زوجي لنا سنة متزوجين والان لدي طفلة زوجي متدين وانااحمدربي بس مشدد في الدين مره وهو مو فاهمني ويبي وكل شي يقوله يمشي انا ابي اتمشى اطلع اروح واجي بس هو مضايقني كل شي حرااااااام طيب الدين يسر وانا حتى النت حراااام ادخل عليه واذا مانفذت الي يبه يزعل ويقول انتي من غاصبك علي ليه توافقين من اول وانا احبه وهو يحبني بس مافيه تفاهم ارجو الرد بصدق

[أمير الذووق]

هلا وغلا عبدالعزيز

اختي الغاليه

بصراحه تصرفاته ماتثبت انه يحبك

لأن من تصرفه اذا مانفذتي له شي قال انتي من غاصبك علي

وهذا يثبت انه مايحبك

بس الحل يالغاليه ان شاء الله سهل

اول شي قبل تسوين اي شي

حاولي توصلي لقلبه من حنيه

ولعلمك ترى قلب الرجال ببطنه

صدقيني الرجل يرضى ويحب ويخلص

اذا وصل من الدوام وحصل زوجته مريحته

والاكل جاهز << هذي تحتها مليون خط

_ _

اختي اذا عصب لاتصيرين مثل الحطب وهو النار

خليك الماء وهو النار

وكذا بتهدينه

حاولي تنفذين له اللي يبي

وحاولي تذكرينه بحق الزوجه من ناحية الدين

صدقيني راح يتأثر يمكن مو من اول مره

بس لاتفقدين الامل فيه اهم شي

وانتِ تقولين سنه

يعني المده قصيره مايخليها تصير هم بالنسبه لك

يعني سنه مو كفيله للتفاهم بين الزوجين

صدقيني راح تتذكرين كلامي

بعد مده قليله راح تتأقلمون مع بعض

بس اهم شي اذا كان هو من النوع اللي عصبي

لا تبادلينه نفس الشي

قولي امر تدلل انت بس وش تبي

وصدقيني اي قاسي من هالكلام راح يترك عصبيته ويبتسم

وانا متواصل معاك بأي اسأله

وان شاء الله اقدر اخدمك باللي تطلبين

أخوك : أمير الذووق

[!!نرمين!!]

عزيزتيـــ

لاتدعي الشيطان يدخل بينكم

واحذرك ان تفعلي شئ تكون نهايته مئساه

وجعلي بالك دائما متيقض وتذكري ان هناك اطفاااال بينكم

عزيزتي

مافيه مشكله الا ولها حل حااولي كسب ثقته واياك والاسراع في انتضار النتائج

غاليتي زوجك من الذين لايحبون من يعترض في طريقهم احد

يعني مثل ماتقولين شبه متسلط ومعقد

اسمعي عليك ان تدخلي اجد من معارفك بينكم او من اصدقاءه الذين يعتاد الجلوس معهم

فهم اكثر الناس معرفة به وبطبعه ويمكن التائثير عليه

اجلسي معاه جلسات زوجيه حدثيه بما في خاطرك باسلوب جميل

حاولي محاورته فيما تردين ولاكن اياك ان تكبري الامور

وتظاهري دوما بان الامر لايهمك وانك زوجته طائعه مهما كانت الامور

حاوولي مره واثنتان وثلاثه والي مال نهايه

عزيزتي

هذا كل ماسطعت عليه

ولاكن لاتترددي واعتبرني اخت لك

وانا جاهزه في مساعدتك فيما يقدرني الله

اختك

نرمين

[دلوعة زماني vip]

يعطيك العافيه اخوي امير الذوق والله انك ذوق صحيح والله لايهينك ابيك تعطيني نصائح الي تخص هذا النوع من الرجال تصدق انه بطنه اخر شي يفكر فيه واكشخ ماينفع له مدري وش يبي؟؟؟؟؟؟؟؟؟؟؟

يعطيك العافيه اختي نرمين اعطيتني دعم وانشاالله بحاول معه
وجزاكم الله خير

[حوراء]

بسم الله الرحمن الرحيم

هلا اختي

طبعا امير الذوق ونرمين ماقصروا اعطاك النصائح المفيده

بس حبيت اضيف انو سنه واحدة لا تكفي للتفاهم وهذا ناتج عن تجربتي الشخصية

وانا مر على زواجي سنتين وتصدقين توي بديت افهمه

وابيك تعرفي ان الحياه الزوجيه كلها تنازلات يعني العناد وفرض الراي وبالذات من

ناحية الزوجه ترى مايفيد

خذيها نصيحه مني عاملي زوجك كأنه طفل دلعيه وراضيه ورارح تطلع النتيجه


ارجوا انك استفدتي من كلامي




تحياتي

حوراء

[أمير الذووق]

هلا بك خيتووو

انا بعطيك نصايح

اتمنى تفيدك

زوجك ليس ندا لك .. زوجك رجل .. له كرامة وكيان وشخصية تمتلئ بالشموخ والكرامة وعزة النفس .. فلا تكوني ندا له ..... وين المشكلة؟؟!!



خليه يفتح موضوع جدي معاك .. اتركيه يناقش حتى النهاية .. اذا قرب يخلص فاجإيه بالعبارة التالية : بس في نقطة مهمة نسيتها .. راح ينتبهلك .. وأكيد راح يسأل : وش هي ؟؟!! ,, قولي: إنا أموت فيك .. وين المشكلة؟؟!!


دائما دعيه يشعر انه القوة الكاملة في البيت .. دعيه يشعر انك ضعيفة لكن مو بشخصيتك .. بل بجسمك ,, الجأي له مثل الأطفال .. حتى لو اصبعك انجرح ... عطيه بلاستر وخليه يلف اصبعك .. وين المشكلة؟؟!!



خليه دايما يحس انك بحاجته .. وان عداداتك وبوصلاتك ما تشتغل الا بوجوده .. وين المشكلة؟؟!!



العطور الســحر كلــه .. اجعلي بيتك مريحا للأعصاب ودايما استبدلي عبق البصل والثوم اللي تحوووووووووس في البيت .. برائحة معطر الجو إير ويك برائحة الورد , حواس الأنف مفتاح الدماغ .. شلون يقدر يعصب والدنيا ربيع والجو بديع .. وقفلي على كل المواضيع .. وين المشكلة ؟؟!!



يقولون الرجل طفل كبيـر .. انا اقول الرجل جنين وليس طفل .. الطفل ممكن ينزف ... ينطق .. بس الجنين محمي بحنان رباني و بعالم هادئ بتدليل أمومي .. الرجل مهما لقى من صفات رائعة في زوجته .. دائما يبحث عن حنان أمه فيها .. والحنان يلين الصخر .. وين المشكلة؟؟!!



كوني له أمة يكن لك عاشقاا .. نعــم لاتسـتغربيــن !!! صيري صديقته وقت الضيق .. أخته وقت الفزعة و أمة وقت الدمعة .. حبيبته لما كل الدنيا تخليه وزوجته لما يضيع .. و بنته لما يحتاج يحس بالألفة .. كوني له كل نساء الأرض .. وين المشكلة؟؟!!




(( هذي اهم نقطه خيتوو ))

دلعيه ثم دلعيه ثم دلعيه .. حبيبي ,, قلبي ,, حياتي ,, مافي منك ,, مشكور عساك عالقوة .. صباح الحب ,, مساء الورد ,, تصبح على حب ,, عيوني لك ,, انت تامر .. ومن هالحتسي .. وراح تشوفين كيف راح تضيع علومـه ^_^ ... وين المشكلة؟؟!!




لا تنتقدينه أبدا .. حتى لو كان من راسه لساسه عيوب .. حتى لو كان صباااااااااااار كله شوك .. الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة .. ما تجنين الا الألم .. بالحب والحنية والصبر كل شي يصير .. حتى لو طولتي تشيلين الشوك .. راح يجي وقت تلاقينه هو يشيل معاك .. من كيفه .. وين المشكلة؟؟!!


إياكي وإياكي أن تظهري عيبه أمام الآخرين الرجل ما ينسى .. والشعور بالإحراج يخليه يدفن بقلبه ضيق عليك ما يروح بسهولة وخليك ستر وغطا على عيوبه .. حتى لو تافهة وعادية .. وين المشكلة؟؟!!


خلي ايدك بإيده .. خليه يحس انك مستانسة لوجوده جنبك .. مو تنتظرين الساعة اللي يروح فيها برا ... وين المشكلة؟؟!!



عطيه حريته وخليه يسافر بروحه اذا يبي .. خليه يطلع الشاليه او المخيم مع الربع .. خليه يتنفس .. وراح يرجع لك مشتاق وممنون ... وين المشكلة ؟؟!!




تعلمي الابداع بالطبخ .. نوعي بأكلاتك .. حسسيه ان ذوقه مهم عندك... وين المشكلة؟؟!!



جددي بنفسك وخليك أنيقه وكشخة .. وين المشكلة؟؟!!




تذكريه برسالة على الجوال مو لا تنسى العيال ولا مر الجمعية .. قوليله كلمة واحدة بس .. اشتقتلك .. وين المشكلة؟؟!!





اتمنى افدتك بهالنصايح

وانا جاهز بأي طلب خيتوو

اخوك ، أمير الذووق

[!!نرمين!!]

حبيبتي

انتي ماطلبتي مني شئ

لاكن اعزك مثل اختي وابيلك الخير ابعطيك نصائح حتي انا

اتمني تقبليهاا

لاحظوا هنا أحبتي أنني ذكرت الإهتمام أولا لأنه به تبدأ أول غرسة للحب في قلب الزوج.. الإهتمام بأكله وشربه ومنظره ونظافته وراحته نفسيا وجسديا .. فإذا أدركت الزوجه أهمية هذه الكلمه فإنها بإذن الله تعالى وبلا شك ستملك مفتاحا ذهبيا إلى قلب زوجها. إهتمي بأدق تفاصيل حياته.
فإذا أهتمت الزوجه بكل ما يخص زوجها نفسيا وجسديا ومعنويا فإنها تكون بذلك مؤهلة لأن تشاركه أولا أتراحه وهمومه قبل أن تشاركه أفراحه ونجاحاته ..
صدقيني أختي الزوجه بأن إهتمامكِ بزوجك وكأنه طفلك ولكن إياكِ أن تعامليه كأنه طفلكِ من ناحية أن تأمريه وتنهيه لأنه سوف يهرب منكِ بأقرب فرصه يجدها.. ولكن كوني له الأم والأخت والصديقه والحبيبه والعشيقه كوني له كما يتمنى هو. كوني أهله وصحبه وأحبته. إعرفي احتياجاته المختلفه ولبيها له
لا تهملي أختي مظهركِ مهما كانت أوضاعك سيئه .. فقليل من الأناقه والحيويه بالإضافه إلى بسمه حانيه مشرقه لعيني زوجكِ تستقبليه بها حين عودته من عمله وهو منهك القوى تضفي رونقا ولذّة للحياه التي بينكما
لا تلومي زوجكِ وتوبخيه بعنف إذا ارتكب خطأ ما بحقكِ .. وقدّمي دائما حسن النية على سوء النيه.. وإذا أرتكب زوجكِ بحقك غلطة أو خطأ.. فقومي باختيار الوقت المناسب لمناقشته أولا .. هيئي الجو المناسب لمناقشه حميمه ليس فيها ألفاظ جارحه أو إنتقاد وأخيرا أختي أحيطكِ وأصدمك ؟؟؟؟؟؟؟؟؟؟؟؟؟؟؟؟؟؟؟ بأن الرجل ومهما كان عمره فما هو إلا طفل كبير ينتظر منكِ الود والحنان والإحترام


وانا في انتضار طلاباتك واتمني اساعدك

اختك المخلصه نرمين

[روتكي]

يسلمووووووووووووووووووووو......

[جــــــــود]

حبيبتي دلوعة زماني ......
اصبري عليه شوي ترى راح يتغير بعدين
الصبر مفتاح الفرج
على الاقل علشان الطفل اللي بينكم
لا تحسسينه انه مراقبك في كل شي
ان شاء الله نسمع منك الاخبار الطيبه

[غلا الروح والعين]

الحل الي فكرت فية وجاني ,, انك تدعي كل يوم في قيام الليل ادعي ربنا يهديهه ويسخرو لكي ومن الجهة الثانية حولي تغيري طبعه
لعل وعسى يتغير

[دلع البنات]

اهلين غاليتي من واقع التجربه انه سنه ماتكفي حتى انكم تفهمون بعض يبيلك شوية وقت لاكن كوني له المراه المطيعه المبادره بالتسامح حتى وان كان هو المخطي فكوني اول من يعتذر لاكن بالحب والدلال مع الوقت سوف تملكينه وامنياتي لكي بحياه سعيده باذن الله