اجمل القصائد....

[ملك الظلام]

السلاام عليكم

هذي مجموعه مختاره من احلى قصايد

الشاعر الاماراتي فزاع <<الي مايعرفه هو نفسه الشيخ حمدان بن محمد ال مكتوم
اتمنى تنال اعجابكم

صبري ملّني

***********
لِمِّني في مَحْجَر عْيونك حبيبي وخلّني
خلّني آشوف نفسي في عيونك واطمئن
دامِك إن سَلْهَمْت بالرمش الظليل تْفِلّني
(لعنبو) ذا الرمش كيف انّي من اسبابه أجِن
حبّك اللِّي تَلّ قلبي من بَعَدْ ما تَلّني
صِدْق أنا ميّت بحبّك كانها عيونك كَفَن
إجْمَعْ اللِّي باقيٍ منّي شتات ودلّني
شوفني ذاك الغريب اللي يدوّر عن وطن
صَدّك اللي هَدّ حيلي والجفا لي علّني
ليه قلبين المحبّه بالمحبّه ما الْتِقَن
قلت ابـ اصبر والصَبِر من زود صبري ملّني
وقلت ابـ انسى واثر طيفك صار له عقلي سجن
ضاعت دْروب المحبّه والحزن ما ضلّني
يا حسافه ذي الليالي.. ذي الليالي ما انصفَنْ
لا تهلّ دْموع من عينك أخاف تْهِلّني
خايف أطْلَعْ من عيونك لا من فْـ يومٍ بكن
القضا بالقضا
لا تحاول تعيد بدمعتك ما مضـى
ما تداوي دموعك جرح طول البعاد
إنتهى الحب يا اللى بيننا وانقضـى
ولا بقى لك بقلبي غير ذكرى وداد
كنت أجيك بْخفوقٍ فيه حبّ ورضا
وكنت انته حبيبي غايتي والمـراد
وكنت أشوفك حياتي جوّها والفضا
وكنت يومٍ تغيب آموت هَمّ وْ نكاد
بس خِذْها بْصَراحه القضا بالقضـا
ذوق كاسٍ شربته منْك اسمه عنـاد
يرفض القلب مثلك به ودادٍ حظـى
دامه انسان مثلك قطعةٍ من جمـاد
ما تعيش المشاعر في خفوقٍ فضى
كيف تبني ودادٍ له عنـادك عمـاد
يا فقير المشاعر، يا شتات الشظـا
المحبّه بوادي، وانـت والله بـواد


****************************

[يـنـبـوعـة حـنـان]

واااااااااااااااااااااو
صح لسانك قصايده جميله يكفي انها من شاعر اجمل
خصوصا الاولى مره حلوووووووووووووه .,.,
يعطيك الف عافيه...

خالص ودي

[ملك الظلام]

العفوووووووووو
ومشكووور على ردك للموضوع

[عاشق الجنان]

مشكور على جهودك الطيبة والحقيقة أنها قصيدة رائعة ولا يعرف معانيها
إلا هواة الشعر اللي مثلي وأمثالك وبعض الأشخاص .
على العموم لا أحب أن أطيل عليكم ولكن مع أطيب تمنياتي لك وللجميع
وأحب أن أهدي لك هذا البيت من الشعر
( لو دريت إني بشوفك في منامي ........ كان قضيت أيام عمري كلها نوم )