أبو عابد
12-11-05, 04:06 PM
من عرفت معنى الحياه وهي تنتظر اللي تسمع فيه (الحياه حلوه)يوم عن يوم نوال تنتظر ذا اليوم اللي يقولون عنه تعتقد وهي صغيره ان السعاده شخص يكلمها وتشكيله وتستنجد فيه طال انتظرها ومعانتها كل يوم تزيد.. ومع الايام فهمت كل شي وكبر معها معنى السعاده اللي انحرمت منها ........................
حلمت نوال بليله انها عايشه بقصر والكل من حواليهايقول لها امري واحنا نلبي وكان حلم غريب بالنسبه لها لان كل شي تحقق فيه الا شي واحد فاقدته وبدت تدور عليه بحلمها لان كل اللي تبيه وتمنته بالواقع تحقق لها بالحلم بس اللي ماتحقق بالحلم شوفة ابوها لانه من ظمن احلامها انه تشوفه دورت دورت بكل مكان بين اجزاء حلمها لكن صوت امها قطع عليها امنيتها يمه نوال قومي يالله وراك مدرسه وصحي اختك أمل يادوب تمشون للمدرسه
حست نوال ان ذا اليوم كله يوم شؤم من بدايته وشلون تروح للمدرسه بأغراضها القديمه ومريولها اللي له سنه ومحللته تمنت انها ماصحت من احلامها الورديه عشان ماتبي ترجع للعالم الفقر حاولت نوال تحبس دموعها قدام امها العاجزه عن كل شي ولاحظت ان امها تحاول تدبر لهم لقمه يفتحون بها ريقهم قبل مايروحون دخلت أمل تبكي وهي اصغر من نوال باربع سنين تبكي وكاره ذا اليوم الاول بالمدرسه انها تروح بمريول قديم وصحباتها كلهم مجددين كل شي.. نوال تحاشت ذا الموقف عشان ماتبي تشوف دمعة اختها ودمعة امها اللي تحاول تهدي في أمل وتوعدها باشياء قريب توفرها لها ودخلت غرفتها وبدت تمشط شعرها وسرحت بافكارها بعيد ..لوصرت زوجة مليونير وش راح اسوي بالفلوس كثير عليه ماراح اقدر اتحمل طيب زوجة شخصيه معروفه لالا ماتحمل الشهره والقلق وقيل وقال والكلام الكثير اممممممم طيب زوجة مين مين اللي مرتاح زوجة طبيب احلى شي كانت افكارها بدائيه واحلامها على قد حالها بسبب البيئه اللي عايشه فيها في قريه نائيه قليل فيها التطور يقل فيها الحياه الحضاريه وعشان كذا نوال تحلم وتفكر على اللي تسمعه من الاخبار اللي توصلها كثير.... تسمع لكن في النادر تشوف اللي يقولون عنه
فاقت نوال من شرودها بافكارها على صوت أمل.... نوال مشطي شعري وابيك اليوم تسوين جدايلي غير ما ابيهم اثنين ابي تسوين شعري ظفيره وحده ليش ياأمل شعرك روعه وطويل وناعم والظفيرتين احلى ... لان يانوال ماعندي الا شريطه وحده تظاهرت نوال انها ماسمعت لها لان احساسها باختها وعجزها ان توفر لها المتطالبات مثل صديقاتها يحسسها بالالم والاحباط ................
سارت الامور على مايرام ودخلت نوال الفصل وكان اخر سنه لها بالدارسه واللي كان يصبرها ويخفف عنها مئاسيها انه عقب سنه بتدخل الجامعه وكلمة الجامعه تعني لها اشياء كثيره وتعتقد انها فاتحة خير لها وان الدنيا بتفتح لها أحضانها
بدوا في توزيع الكتب وكل شوي داخله معلمه تشرح لهم اسلوبها وشلون نظامها ونوال كانت تهتم بكل شي ينقال وينكتب ولما كانت نوال تسجل الملاحظات جت مرام صديقة أمل تركض وتصارخ نوال الحقي بسرعه أمل مدري وش فيها تصارخ وتبكي وتسوي حركات غريبه ركضت نوال بدون وعيها ولما دخلت الفصل كان منظر اختها موب غريب عنها ذي الحاله كانت تجيها في كل سنه مره بس هالسنه جتها بالمدرسه وتمنت نوال انهم ماحضروا اليوم وحضنت اختها وهي تبكي معها حتى هدت اختها من حالة الصرع
مسكينه مرام ماتستاهل ذي الغربله و ذي الحاله كان ذا كلام المديره لنوال
حاولت نوال تفهم المديره الوضع وانه شي نادر بس المديره اصرت على رايها ان أمل معاد لها مكان هنا لازم يشوفون لها حل اما مدرسه خاصه او حتى تتعالج وترجع لطبيعتها وعقبها نوافق تكمل الدراسه عندنا
دخلت نوال البيت ودموعها ماتفارقها ركضت امها لامل وحضنتها
نوال ...امل جتها الحاله صح
استغربت نوال من احساس امها مع انها مافتحت فمها بكلمه ايه يمه والمديره رفضت انها تكمل عندنا ليش يمه والله حرام ذا القرار الاناني وش ذنبها هي مابيدها شي يمه ليش الدنيا ماترحم يمه ليش احنا اللي عايشين في هم من هم والفقر موب مخلينا نعيش ونشوف اللي حوالينا يمه تظنين لو احنا من اصحاب الملاين كان ذا حال اختي
يمه يانوال ماعمر كان الفقر عيب ولاكانت الامراض والبتلائات تنقص في قيمة الشخص ذا قدر ومكتوب ولازم نرضى فيه
يمه طيب وش تفسرين غيبة ابوي السنين هاذي كلهابعد قدر ومكتوب معقوله يمه ابوي يغيب عنا ذا المده ولاندري هو حي والا ميت ولو حي شلون له قلب ينام وياكل ويضحك واحنا اللي قطعه منه مايدري عنا عايشينا والا في قائمة الموتى يمه ودي يوم بس تبتسم لي الحياه موب تضحك بس ابي احس بالامان شوفي يمه دراسه ماراح اكمل واراح ادور أي شغل عشان اعالج اختي وتكمل تعليمها وكل شي انحرمنا منه بعوضكم طلعت نوال غرفتها وهي تشيل ورى ظهرها الف هم وهم تحس انها الحين مسئوله عن ثلاث انفس امها واختها واخواها وشلون بتعيشهم ومن بدى النور خرجت نوال تدور بين البيوت شغل بحكم المنطقه اللي هي ساكنتها مافيها لاوظايف حكوميه ولا شي كانت قريه قريبه من حياة اهل الصحراء البدو وكل ماطقت باب لقت الرفض اما انهم مكتفين بالخدم او حالتهم اخس من حالتها وهي ماره بالطريق لفت انتباها شخص يطاردها تقريبابنص عمره يعني لاهو كبير شايب ولا مراهق خافت وبدت تركض حتى وصلت البيت باليوم الثاني جت امها تصحيها تقول ان فيه خطيب جاها ويبيها فرحت نوال وبدت تسنع عشان بتشوفه تفاجئت انه نفس الشخص استغربت شلون امس يشوفني واليوم يخطب بس على قولتهم (جت الحزينه تفرح مالقت لهاش مطرح )انه يبي يعرس عليها مسيار متخفي بدون محد يدري وعجزوا يعرفون السبب وافقت نوال بدون مقدمات لانها حست انه هو الوحيد اللي بيطلعهم من حياة الفقر بس امها وقفت بوجها ورفضت يكون سري او بالطريقه اللي تحرمها من انها تعيش مثل البنات يمه نوال حرام عليك اللي تسوينه وحده مثلك بجمالها ورقتها وحلاوة اخلاقها وهدوئها وذكئهاانها تعيش بوضع الخوف والدس ليش يمه وانتي الف من يتمناك صرخت نوال بمها واصرت على رايها بدون ماتفكر وش العواقب
كانت ليله صعبه على نوال انها تعيش مع شخص ماتعرف منه الا اسمه فقط كل شي بالنسبه لها غامض وحتى شعورها من ناحيته كان خالي من المشاعر ماحست معه حتى بالراحه حاولت تطرد من بالها هالافكار وتفكر بعقلها وتبطل بتفكير المشاعر لانها جزمت انها تعيش عشان توفر لاهلها اللي انحرموا ومنها وتضحي بقلبها اللي ماعرف معنى الحب ولا الاحساس فيه بيوم ومرت الايام ونوال حالها هي واهلها متيسر كل اسبوع يجيها مره ويعطيهم المقسوم ويرحو وحست نوال باعت نفسها برخيص بدون ماتحس بالحياه الزوجيه اللي كل بنت تحلم فيها بس حاولت تخبي عن امها ذي المشاعر وتبين قدامها انها مبسوطه وفرحانه
سمعت نوال صراخ وبكى وعالم داخله طالعه وركضت ولقت امها تضم اختها وتصيح لانها عرفت ان حالة اختها رجعت بس هالمره صعبه لانها حاولت اختها تنتحر بدون ماتحس بنفسها وكان منظر الدم مروع وماتحملت امها ريحة الدم واغمى عليها ونقلهم للمستشفى
جا الدكتور قريب من نوال وقال مبروووووووووووك حامل صرخت نوال بقوه كل من في المستشفى سمع صراخها صحت امها من حالتهاشافت نوال شبه منتهيه نوال وش فيه وش صار لاختك بسرعه ..حاول الطبيب يفهم الام الموضوع قال لها:مدري بشرتها بالحمل وصرخت انفجرت الام بالدموع وشلوووووووووووووووووووون أمل حامل شلون ابي افهم وهي ولادقيقه غابت عني شلووووووووووووووووووون جلست تصارخ بس نوال جمعت كل قوتها يمه موب أمل اللي حامل انتييييييييييييييييييييييييي يايمه انتي اللي حامل
تذكرة نوال انه ابوها مات من زمممممممممممممممممممممممان
نوال حست ان جلوسها جنب امها بالمستشفى ماراح يفيدها وخاصه ان امها بغيبوبه واكدو الاطباء انها تحت رحمة الله يعني مايقدرون يحددون متى تفوق من حالتها تذكرت اختها واخوها ورجعت لهم البيت وهي كلها رجاء ان امها تصحى وترجع لهم البيت وتفهمها اللي هي مهيب راضيه تستوعبه شلون امي حامل وبشهرين .. كيف وشلون وابوي من زمان ماجانا ولا عرفنا طريقه ....دام تفكير نوال على ذا الحال وجا حزة الليل وبدت نوال تدبر لخوانها عشا وعقب مانامو ولجئت هي لفراشها والتعب والهم هدوا حيلها سمعت طق الباب وكان بقوه جت تركض وافتحت وفرحت وبغت تقطع من الفرحه يوم شافت زوجها حاولت ترتمي بحضنه حست ان الامان رجع عقب ما انقطع عنهم بس لاحظت هالمره الشر يتطاير من عيونه و كان يقول كلام مهيب راضيه تستوعبه واغلب كلامه يدق بالكلام فيهم.. حاولت نوال انها تكون اقوى وتمسك اعصابهاوماتنفعل بالبكا والصراخ لانها اشبعت دموع والم لما سمعت كلمة(امك حامل) حاولت نوال تفهم وش يبي وش يقصد قام يخبط بكلماته الجارحه لها وانكم تدعون الاخلاق والشرف وانتوا من جنبها انصدمت نوال من كلامه وافترائه انربط لسانها حتى ابسط حقوق امها انها تدافع عنها ماقدرت تمنت ان الارض تنشق ولاتشوف مثل هاليوم تمنت انها تموت ولا احد يتفوه بكلمه عن امها العفيفه الطاهر لكن هو ماعطاها فرصه رمى عليها الطلاق وقال انكم عايله ماتشرفون وخبر امك على كل لسان وطلع وترك خلفه حطام امراءه ترك انسانه في دوامت الف سؤال وسؤال ليش المصايب تتحذف علينا من كل مكان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دخل ناصر وبيده قميص امه كانت دموعه هي الوسيله الوحيده اللي يعر ف يعبر عن مشاعره وماكان احد يفهم ويعرف
وش يبي غير امه صحت نوال على دموع ناصر وكان يأشر بيده على القميص يعني وينهي فيه وين امي لان طول هالفتره فاقدها بس موب عارف يقول ابيها محتاج لها
نوال ماتحملت الموقف واحضنته وحاولت تفهمه بس عجزت شلون تفهم انسان محروم من السمع والنطق من طلع بها الدنيا
نوال حست بمسئوليه كبيره وخاصه بغياب امها اللي دام فتره طويله وودها الوقت يمر بسرعه عشان تفهم وش سالفة حمل امها المفاجئ ..نوال خايفه من قوة السبب لكن كان عندها امل ان والدها موجود لانه مستحيل تفكر بامها غلط اوتسيئ الظن فيهالانها تعرف ان امها انسانه خلوقه ودايم تربيهم على الطريق الصح
مرررررررررررررت الشهور ونوال ألمها يزيد يوم عن يوم كل ماشافت بطن امها يكبر قدامها وشايله هم وش تقول لناس اذا طلعت امها من المستشفى طفل مين ذا اللي بين ايديهم ؟؟
مرت تسعه شهوووووووووور ونوال على اعصابها مابين اخوانها اللي بالبيت وخوفها عليهم ومابين امها اللي كل يوم تزورها وتتئمل انها بكل زيارها يبشرونها انها صحت
نوال جالسه بين اخوانها عقب المغرب تلعبهم تحكي لهم قصص تحاول تنسيهم امها اللي كل شوي يدورونا عليها بكل غرفه طق بابهم مرسول من المستشفى يطلب نوال انها تجي لان ماكان عندهم لاتليفون ولاشي يكلمونها فيه راحت نوال لهم وتركت اخوانها عند جارتها
بشرها الدكتور : جتكم بنت ........نوال ماكان يهمها اللي يقوله الطبيب كان كل تفكيرها امها دكتور ممكن اتطمن على امي بليزززززززززززز محتاجه اشوفها ....
الان ممنوع لان حالتها حرجه
طيب دكتور امي صحت من الغيبوبه ؟؟
ايه صحت وكانت تنادي بسم شخص
منهو دكتور بليزززززززززززززززززززززز؟؟
اظن اسمه فهد...
نوال انصدمت من هالاسم بحياتها ماسمعت عنه منو فهد وش علاقته بأمي
فاقت نوال على حركه غريبه بغرفة الولاده دخول الطبيب بسرعه وممرضات متجمعين حولين امها بلحظه حست بهدوء غريب وصمت تفائلت انه خير وان امها راح تناديها وترجع لهم وتشيل عنها الحمل الثقيل ......لان صغر سنها مايسمح انها تتحمله كانت تفكر وش اول كلمه اقولها لها عقب ها الغيبه الطويله ..وحشتيني اشتقت لك الدنيا ماتسوى بدونك يووووووووه كل هالكلام مايعبر عن اللي في داخلي لانه مايوفي قدر مشاعري وشوقي لها
جت الممرضه تركض نوال بسرعه امك تبيك ركضت نوال ناظرت بامها ياأللله غريب منظر امي نظرتها لي غريبه احس ودها تقول شي بس فيه شي مثقل عليها يووووووو لسانها مايتحرك عيونها ثابته فيه .... حاولت تقترب منها إللهي يدها بارده ياربي وش فيها امي دكتور امي وش فيها لاتقول رجعت لحالتها الاغماء
دكتوررررررررر فهمني اعصابي ماتتحمل بليزززززززززززززززززززززززز دكتور سوي اي شي خلي امي تكلمني والله والله محتاجه لها مالي غيرها بهالدنيا دكتوررررررررررررررررررررررررررررررررر ارجوك
يمه ردي علي يمه لاتتركيني بليززززززززززززززززززززززززززززززززززززز يمممممممممه
http://www.enshad.net/audio/Jawaher..._Thakartoki.ram
كان يراقب نوال من بعيد موب فاهم وش اللي يصير بالبيت ناس داخله وناس طالعه وودموع وصراخ وحريم بعباياتهم وكل شوي تتدخل حرمه وتتطلع بسرعه وناصر بمكانه موب فاهم وش تعني ذي الحاله وش اللي يصير بحوله كل ما اقترب من نوال يبي تفهم وش السالفه يلاقي صعوبه لانها بين كومت حريم يكلمونها ويهدون عليها وهو لاحول له ولاقوه له
لانه مايسمع وش يقولون ولا هو قادر ينطق ويسئل وراح يركض ليم غرفة امه يدور عليها بس لقى نفسه بداخل دولابها وضم ملابسها وحس انه بأمان
هدت الامور وفضى البيت من المعزين والناس..............
وبدت تستوعب كل شي حولينها البيت فضى عليها اصبحت هي الام والاب والعائله لاخوانها تذكرت امل وناصر بدت تتلهف عليهم تتدور عليهم بكل مكان سمعت أنيييييييييين جاي من غرفة امها فتحت الباب بدت تتبع الصوت حتى وصلت الدولاب فتحته شافت منظر ناصر انهارت ماقدرت تتمالك نفسها ناصر حاضن ملابس امه بقوه ونايم بوسط اغراضها ومازالت الدموع تنزل وهو في عز نومه لان قلبه كان مشغول بامه وحتى هو بعز نومه ...
حضنته نوال بقوه وتعهدت انها تبيع هالدنيا كلها وتضحي بحياتها عشان اخوها واختها فجئه تذكرت نوال المولده الجديده زاد الهم عليها شلون بتتحمل مسئولية طفله رضيعه وهي ماعندها اي فكره عن الاطفال و هي بنفسها نوال طفله تحتاج من يراعيها فكيف طفله بتراعي رضيعه راحت للطبيب عقب ايام تسئل عن الطفله وفي بالها بتسميها فايزه على اسم امها ...
دكتور ممكن استلم اختي ناظر الدكتور بستغراب وقال ماوصلك الخبر؟؟ انى دفناها مع امك لانها ولدت وهي مشوه وماقدرت تعيش ....................
صحيح كان الخبر مؤلم وقاسي انها تفقد شخص جزء منها وحتى لو ماشافتها بس كان فقدانها لاختها اخف مراره من فقدانها لامها اللي كانت كل شي بحياتهم
مرررررررت الايام ونوال مابين طلبات اخوانها مره تسكت ناصر ومره تهدي في امل وامل زادت الحاله اكثر
والفقر ماكان يرحمهم ...........
وعزة نفس نوال تمنعها انها تمد يدها للناس ولو أنها تأكل اخوانها من لحمها ............
لان ماتبي اي كلمه جارحه يقولنها الناس لهم.............
نست نوال سالفة حمل امها مع الهموم ولان اندفن السر مع امها وموت الطفله كان كفيل انها تنسي نوال القصه مع ان الخاطره تجيها مابين فتره وفتره والاسئله تلعب براسها لعب وعقبها تتدوخ وتنام وتصحى الصبح وتنشغل بين اخوانها
نوال كل ليله يصحيها أنين جاي من غرفة امها تروح وهي متاكده انه اخوها ناصرتاخذه من الغرفه وترجعه لفراشه
خرجت نوال من البيت بيوم لانها حست كل اللي قدرت تجمعه لاخوانها من اكل وشرب على النهايه وراحت تدبر امورها مثل العاده وترجع عقب الساعه احدعش بالليل عشان تهتم فيهم
وبليله هي راجعه لقت علبة كرتون مناديل فاضيه وبوسطها ورده حمرا طبيعيه وتعج منها الريحه بقوه يعني اللي فهمته اني اللي قصد هالكرتون وحطه عند عتبت بابهم مازال حوالين بيتهم خافت ودخلت بسرعه وماخذت العلبه
امل شوفي وش جبت لك مريول جديد وشراب وجزمه وانا اخذت وعد من المديره انك ترجعين للمدرسه وتنبسطين مع صديقاتك بس بشرط بدون مشاكل وانفعلات لانك تعرفين وش صار لك بالمره الاولى ....
من كثر فرحة امل بالاشياء الارض مهيب شايلتها وليلها كله تفصخ وتلبس المريول ومنشغله بشعرها مره تربطه بشرايط ومره تترك كشتها مفتوحه
وناصر لاهي بألوانه الخشبيه اللي كان يتمنى انه يمتلكها و ويشتريها وكل واحد بالبيت مشغول باللي هو فيه
وبعد ماناموا الكل بقت نوال ترتب البيت وكان تفكيرها مشغول باللي صادفته عند باب بيتهم ياهل ترى حركه مقصوده؟؟ والابا الغلط رميت علبة المناديل عند الباب؟؟ طيب وش سالفة الورده اللي بوسطه
وهي غرقانه بتفكيرها سمعت أنين بقوه اكثر من كل ليله بس اللي صدمها ان ناصر نايم بغرفته وصوت الأنين طالع من غرفة امها
ركضت ليم الغرفه وتتبعت الصوت حتى وصلت.........................................
رجعت نوال لغرفتها وهي مهيب مستوعبه الصوت اللي سمعته لكن ماأخذ ذا الامر شي مهمه بالنسبه لها لانها تعتقد ان من كثر مهيب مرهقه وتعبانه صار يتهيئ لها تسمع أي شي حولها صحت الصباح و صحت امل والبست ومشطت شعرها وتذكرت نوال امها ولفت شريط ذكرياتها وايام كفاح امها وشلون تتعب وتجاهد عشان بس تشوف ابتسامتنا
راحت امل مدرستها بقت هي وناصر حست انها مقصره بامور ناصر ورى ماأحاول بالمدرسه اللي قريب منا يقبلون ناصر عندهم حتى لو انه سمعه جدا ضعيف ويبي من يقرب منه اكثر عشان يسمع بس مافي مانع اني اوفر له سماعات ترفع سمعه وهو ذكي وبإمكانه يكمل مشوار دراسته ولانها تلاحظ ان ناصر عنده قدره هائله انه يفهم كلام الشفايف تشجعت
اكثر وتحمست انها تغامر وتروح للمدرسه تقدم له
خذت ناصر وراحت للمدرسة العيال وطلبت تكلم المدير ...شرحت ظروفه وانها ماتبي يضيع مستقبل اخوها وبينت له ان ماعندها لاسند ولاظهر تنشد عليه وهي على الله ثم هالولد
صرف المدير نوال وقال ماعندي استعداد اقبل ناس اتعب معاهم وفي تعليمهم شوفيلك معهد خاص له..كان قلبه اقسى من الحجر ..ماكان بيدها الادموعها تخفف عنها مئساتها
وهي بالطريق راجعه سمعت صوت شخص ينادي بسم ناصر مااهتمت بالامر لانها تظن ينادون على واحد غير ناصر اخوها
وبدت تسرع في مشيتها اكثر لكن مازال اللي ينادي بسم ناصر وراها التفت كان شخص غريب
وقفت هي بنص الطريق تناظر له بغرابه
لوسمحتي ممكن اتكلم مع ناصر شوي؟
منو انت؟
سحب ناصر من ايده وقال لها بس دقايق ابي اكلمه على انفراد اخذ ناصر على جنب الطريق وبدى يكلمه بالاشاره
وناصر مبسوط
لكن نوال انشغلت في منظر الشخص الغريب نست انها بالشارع وبوسط الناس اصلن نست وش يبي من ناصر
او انها تحاول تراقب وش يقول
لانها انشغلت في النظر له جالسه تتامل وسامته كان وسيم يميل للبياض اكثر..عجبها طوله في نص عمره يعني ولد الثلاثين اكثر شي جذبها عيونه تحس انها ممكن تفهمه لومجرد انها تناظر فيه ..طريقة كلامه وحركاته با الاشاره لفت انتباها بقوه جلست نوال على ذا الحال تتنقل بنظرتها يمين يسار على هالشخص الغريب لانها كانت بذا الوقت تفكر بقلبها ونست عقلها معه
لوسمحتي عطيني اوراق ناصر وانا بتولى امره ممكن؟
نوال ماردت عليه كانت غارقه بافكارها نادى عليها اكثر من مره حتى مسكها ناصر بيده يعني انتبهي له
معليش اسفه كنت سرحانه شوي
أبتسم.. لا عادي موب مشكله بس يالليت تسمحين لي اخدمك وتعطيني كل اوراق ناصر وانا بتولى امره
نوال بذا الوقت بغت تطير من الفرحه لو ماتمالكت نفسها كان طارت وسلمت عليه بس مسكت نفسها وصارت تتخبط بالكلام مره تقوله لا مايحتاج نتعبك معانا ومره تقوله شكرن وماقصرت
اخذ الاوراق وراح ونوال ماتركته يغيب عن نظرها طول ماهوماشي حتى غاب هو عن عيونها وراح
رجعت نوال البيت فرحانه متشققه من الفرحه ماتدري وش سبب هالفرحه كلها امكن عشان اخوها؟ بس فرحتها ذي تحس أنه شي غريب مثل اللي يحكون عنه بالروايات تحس دقات قلبها سريعه.. ومالقت لفرحتها تفسير
رجعت امل من المدرسه وكان ذاك اليوم اليوم الوحيد اللي حسوا كلهم بطعم قليل من السعاده على الرغم
من قساوة حياتهم
قالت امل:نوال احس بدوخه مدري وش فيني لي يومين ابي اروح مستشفى
نوال حست ان حالة اختها واللي تحس فيه انه ماراح يجي من وراه خير بس حالة امل لازم مستشفيات متخصصه وكبيره واللي عندهم حيا الله مستوصفات حقت بنادول وففيفادول ماش طبهم مثل وجيهم خايس
.................................................. ................
ناصر منو مدرسك الان بالمدرسه ؟
كتب لها مايعرف اسمه بس هو نفس الشخص اللي كلمهم بالطريق
نوال حست ان قلبها رجعت له الحياه مع انه ماكلمها ولا قال شي يخصها كان مجرد فاعل خير وينتهي
بس نوال حطته في بالها وحست انها ظلمت نفسهاوخذتها مشاغل الدنيا عن حياتها الخاصه وان حالها مثل أي بنت لها قلب تحب وتعيش ها الشعور
لكن خافت انها تعيش بسراب معه وانه هو امكن يكون مرتبط او في حياته انسانه ثانيه..................
وحاولت تشيل هالشخص من بالها وماتبي تتعلق فيه لانها مهيب ناقصه تتحطم كفايه تجربتها الاولى
كل يوم يرسل لها استاذ حق ناصر ملاحظات بالدفتر وش يوميات ناصر بالمدرسه ولكن يوقع بدون مايكتب اسمه
ويكتفي بتوقيعه حرفه الاول(الفاء)
ناصر يالله قبل ماتنام كمل الواجب واكتبه لكن ناصر نام على الدفتر وهو ماكمله فضطرت انها تكمله بخطها
رجع ناصرمن المدرسه زعلان وهو يأشر على دفتره فتحته نوال لقت الصفحه مشقوقه
ليش منو شق لك الصفحه ؟؟
كتب لها الاستاذ وانه طلب انه مايتكرر بس سئلني منو اللي كتبه؟؟ وقلت مدري وقال لازم تعلمني والا بعتبرك غايب ..بكى ناصر
بعد مادخلوا كل الطلاب المدرسه جت نوال عند باب المدرسه وطلبت تكلمه
جا نفس الشخص اللي قابلته بالطريق
تبلمت نشف ريقها ودها تتكلم بس ماقدرت
قال لها نوال وش فيك تامرين بشي غريبه حضورك للمدرسه؟؟
لا بس جيت عشان افهمك سالفة ناصر ترى انااللي..........
.قاطعها وضحك.. وقال انا عارف انه خطك يانوال بس انا تصرفت كذا عشان بس اعلمه واربيه على اشياء واصول لازم يفهمها قبل مايكبر ولازم يعتمد على نفسه
نوال ودي اقولك شي بس خليه بوقته ولاتستغربين كلامي بس ياليت تنتبهي لنفسك وللبيت اكثر ولاتفكرين كثير اوكى
يالله نوال تأخرتي الحين ارجعي البيت وبعدين راح نتكلم بصراحه
راحت نوال البيت وبدت تسترجع كلامه واحتارت فيه وحست ان ذا الشخص له علاقه فيهم وشلون عرف اسم ناصر وهم راجعين بالطريق وعرف اسمي وعرف خطي وذا اللي بغى يهبل فيها مع انها ماعمر احد شاف خطها
منوووووووووووووووو ذا الشخص ياربي؟؟
بليله راجعه من عند جارتهم تكرر نفس الشي بذيك الليله علبة منديل وبوسطها ورده ومكتوب عليها
(يا اجمل ما رات عيني )
زعلت نوال من هالتصرف وحست انه ناس يبون لها الاذى وخاصه انه ماعندها رجال بالبيت دخلت معصبه واخلاقها قافله بس مالحقت على اخوانها لقتهم نامو ودخلت غرفتها وهدت شوي وتذكرت انها لازم تجمع اغراض امها وتتصدق فيهم لان وجود اغراضها بالغرفه يرجع لهم الالم والحزن دخلت الغرفه فتحت دولاب امها....................
وبدت تفكك الاوراق والاشياء لقت اشياء غريبه اوراق وكلام كتبته هي بيدها ومستغربه امها ليش محتفظه فيه
ولقت صور للناس غريبين لها شافت صوره لشخص يشبها كثيرررررررر بعيونها وفمها وحست انه هو ابوها االلي تحلم طول عمرها تشوفه كانت مبسوطه لكن صوت الانين رجع لها بالغرفه وكل ما هو يزيد جمعت الاغراض وماكملت شوفتها للصور وركضت ليم الصوت وقربت منه اكثر ................
ياربي الصوت ورى هالدولاب حاولت بكل قوتها شوي شوي زحف معها انصدمت مهيب مصدقه المنظر باب ورى الدولاب شي عجيب
فتحت الباب قربت يم الصوت حتى وصلت لكن الصرخه اللي سمعتها كان اقوى من استيعابهاللمنظر اللي قدامها
كان جالس بركن الغرفه متهالك ..مبين عليه التعب والارهاق ..مهمل في شكله ..مايقدر يتكلم...كل تعبيره كان بالدموع ..
فهمت منه نوال انه يسئل عن امها فايزه ؟؟؟؟؟
استغربت من وجود شخص بذا الشكل بينهم اخذتها االافكار ونست انها في اعظم مصايبها منو ذا الشخص وليش امي حبسته عنا وماتبينا نشوفه?? معقوله قدرت تخبي عنا كل ذ الفتره من السنين ومانحس بوجوده ... اه على حياة الفقر خلتني اعيش باحلامي واغفلتني عن كل شي يصير من حولي بدون ما انتبه ..................
ركزت على منظره اكثر ..كبير في سنه المرض هالكه.. يحاول يستنجد فيني .. مبين له فتره طويله ما اكل ولاشرب وجه مايل للزراق ومختنق .... الشيب مغطي كل شعره وجه............
بدى يقترب منها خافت نوال رجعت للخلف خطوات
سئلته: منو انت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رد عليها:اكيد انتي نوال... ودموعه كانت تغلبه في انه يكمل كلامه
ايه نوال بس ماقلت لي منو انت وليش انت هنا ومنو اللي مسوي فيك كذا؟؟؟؟؟؟؟؟؟؟؟
انتظرته يرد دقيقه دقيقتين ثلاث بس طول صمته وسكوته قربت منه اكثر انصدمت فقد الوعي معاد يتكلم ...
تدهورت حالة نوال صعب عليها الموقف وعظم المصيبه وش الحل وشلون تنقله لللمستشفى وش تقول لهم منو ذا الشخص؟؟؟
بس خوفها انها تفقده وانه تحس ان ذا الشخص هو مفتاح لكل الاسرار والاشياء الغريبه اللي تحصل لها وخاصه
سر حمل امها المفاجئ
ركضت بسرعه ونقلت المستشفى هناك شافت امور غريبه انزعاج كثير ملاحظته على وجه الاطباء والممرضات والكل بدى يبعد ويلبس اشياء واقيه بسرعه.... نقلوه بمكان عازل بعيد
كانتتراقبهم من بعيد لبعيد حتى وصلت عند باب مكتوب ممنوع الدخول وما يدخله الا المختصين بذا المجال...
عرفت نوال ان ورى ذا الشخص اسرار كثيره وتمنت انه يعيش عشان يريحها من حيرتها وتهدى حياتها.....
حست نوال انه مالها داعي تجلس بالمستشفى وان اخوانها محتاجين لها الحين وودها تسئل الطبيب عن حالته
بس ماكان الطبيب معطيها وجه مشغول
وصلت البيت الفجر ورجعت للنفس الغرفه كان مكانه غريب مبين انه له سنين وهو عايش هنا معقوله
يكون ابوي ركضت ليم الصور ركزت بالصوره اكثر لكن ملامحه كانت بعيده عنه منو ذا الشخص حاولت تدور له
صور اكثر لكن الصدمه كانت اقوى لما طاحت بين ايديها صورة مدرس اخوها ناصر..كانت له.صور كثيره
اشياء غريبه تحصل حولها تعبت انهارت نوال بكت بقوه ..
ليش بعمري ذا ماشفت للراحه مكان هنا ليش كل يوم والثاني اعيش بحيره اكثر وادخل في متاهات اعظم
انتبهت لامل وهي داخله عليها نوال انا منيب رايحه للمدرسه خلاص
ليش يامل وش صار منتي مبسوطه بالمدرسه؟؟
الا بس ترى الحاله جتني اكثر من مرتين بالمدرسه وكانت المديره ترسل لي خطاب لك بس ما علمتك
عشان شايفتك مشغوله ولاحبيت ازعجك
امل وين الخطابات ابيهم بسرعه
تفاجئت الخطاب كان عباره عن فصل لاختها امل من المدرسه نهائيا ونفس كلامهم اللي اللي قبل المكان
مايناسبها عندهم
دموع نوال تحجرت....دخلت غرفتها وتركت كل شي وراها واستسلمت للحياه بعد ماحاولت انها تكافح وتجاهد عشان تعيش هي واخوانها بسعاده بس عرفت ان القدر والنصيب حارمهم من السعاده....
دام حال نوال على ذا الوضع يومين بس طايحه بفراشها الحمى هالكتها من قوة الصدمات جسمها النحيل معاد
يتحمل الاوجاع والهموم ..
تحسنت حالتها شوي باليوم الثالث.... وجا ناصر وقرب من نوال وبيده دفتر المتابعه اليوميه اللي كل يوم نوال تتابع حالته فيه وتوقع له بالدفتر عشان الاستاذ يعرف ان اهله متابعين حالته بعد ...بس استغربت بوسط الدفتر ورقه صغيره مكتوب فيها كلمه وحده(فقدتك)
معقوله يحمل لي نفس المشاعر يحبني؟؟؟ مهيب مصدقه اللي تشوفه حاولت تفسر هالكلمه بكل المعاني
مالقت له الا معنى واحد انه تعني له شي بحياته ولاتدري وشهي الان بالنسبه له
بدت نوال تسترجع عافيتها عقب طيحتها لقت امل بغرفتها وحالتها سيئه ...
امل لازم اوديك مستشفى تخصصي يشوف حالتك وباذن الله بترجعين للعافيتك وبترجعين المدرسه
راحت نوال لجارتهم اللي قريبه منهم وطلبت منها انها تساعدها في حالة امل
طلبت جارتهم انها تتولى امر امل لانها بتسافر للمدينه واللي فيها المستشفيات المتخصصه وهي بتشوف لها علاج
فرحت نوال وحست ان الدنيا بدت تفتح لهم بابها وودعت نوال امل وجارتها وسافروا
وانتهى جزء بسيط من هموم نوال....
تذكرت نوال الشخص الغريب وراحت المستشفى تتطمن عليه لكن رفضوا يعطونها أي معلومات الا بوجود ولي امرها
او رجل بكت نوال عندهم ترجتهم فهمتهم انه مالها احد بالدنيا رجال تنشد عليه ماعندها الا اخو صغير
بس هم رفضوا يعلمونها الا بوجود رجل
طلعت نوال من المستشفى تتخبط بهاالشوارع ماتدري مين تروح له جيرانهم اللي كانوا كل شي لها سافروا
باختها امل ....
تذكرت مدرس اخوها... تذكرت الانسانه اللي تحبه ...تذكرت انها بيوم وهم ماشين علمها اخوها ناصر سكن المدرسين العزابيه هنا وان استاذه ساكن هنا وكل نهاية اسبوع يرجع للمدينه لاهله يزورهم وعقبها يرجع للدوامه
حست نوال انها مالها بهالدنيا الا هو... ركضت ليم شقتهم طقت الباب طلع لها رجل غريب واعرفت انه من ربعه
سئلته :ممن اكلم استاذ...................تلخبطت نوال تذكرت انه ماتعرف اسمه انحرجت قدامه حاولت تقوله أي شي
معليش اقصد الاستاذ اللي يدرس اخوي ناصر اللي.............
اها عرفت انتي تقصدين الاستاذ ابو محمد دقيقه اناديه... انصدمت نوال وحست ان كل احلامها تبخرت وانه كل شي حلمت فيه ماهو الا سراب طلع االانسان اللي حبته مرتبط وعنده ابناء تمالكت نفسها مسحت دموعها حاولت
ان تخلي الامر طبيعي بس اضطرت انه تلجئ له لان ماتعرف احد غيره ممكن يساعدها
هلا نوال عسى خير .. وش اللي صار ناصر فيه شي؟؟
شرحت نوال له السبب وانها تبي يساعدها عشان تعرف سر الشخص اللي بالمستشفى
كان الصمت ملازمهم وهم بالطريق ونوال ودها تعرف ليش صوره عندهم وشهو علاقته بامها ومنو هو؟؟
بدت نوال تتكلم لانهاتحاول تستدرجه بالكلام فبدت تحكي له سالفة الشخص الغريب وانه كان بغرفه معزوله....
وكل ماتحكي له عن الاحداث ماكان يتفاجئ وكأنه عايش معاهم وكل شي تقوله يرد عليها حصل خير الله يفرجها
انفلت اعصاب نوال ومسكته مع ايده بقوه انت احر ماعندي أ برد ماعندك ... منو انت وش علاقتك فينا؟؟؟
ابتسم لها وقال:نوال ماتلاحظين شي غريب.... ايدك عورتني
انحرجت نوال وحست انها تجاوزت حدودها
عادي نوال قريب راح تتعودين على ايدي
وصلوا المستشفى قابل الاطباء تكلم معاهم كان الكلام كله وين اهل الميت منو راح يستلمه ؟؟؟
صرخت مممااااااااااااااااااااااااااااااااااااااااااااااا ت لا مو معقوله مات اللي كان املي كله فيه مستحيل يموت وتندفن معه كل حيرتي ارجووووووووووووووووووووووووكم لا صارخت نوال
ركض لها وضمها ونوال بذا الوقت ماحست فيه ولا انتبهت بوجود الاستاذ قريب منها وهي بحضنه فاقت نوال على كلام الطبيب للاستاذ وهو يناديه اخ فهد ممكن توقع لنا هنا
تذكرت ان اسم فهد موب غريب ايه صح ذا الاسم اللي امي كانت تناديه قبل ماتموت
انتهى فهد من دفن الشخص اللي مات وراح و طلع نوال من المستشفى
فهد؟؟
هلا قلبي نوال
ممكن اعرف منو انت وش الاشياء اللي مخبيها وليش احسك مبسوط لما مات اللي تو
ومنو ذا وكيف وجلست تبكي نوال من كثر مهيب تبكي ومحروقه
شوفي نوال القصه طويله وامكن لو احكيها لك بتتعبين اكثر وكل شي انا اشوفه انتهى ولازم انتي تنتبهين
لنفسك وتشوفين حقوق نفسك عليك حرام ذا الجمال يندفن وانتي ماحسيتي فيه تتدرين انك( اجمل ما رأت عيني)
انصدمت نوال يعني انت يافهد صاحب الورد اللي كل يومين ثلاث اشوفه عند الباب
ايه انا... وانا موب تو اعرفك نوال صدقيني نوال انا اعرفك من زمان وكنت اشوفك لما تروحين للمدرسه
وتعلقت فيك بجنون وكنت ابيك زوجتي وجيت لامك اكثر من مره وحاولت معها بس هي كانت ترفض لانها
تشوفك طفله وخايفه عليك وكنت قريب منكم بكل يوم حتى امك وعدتني انك لي بس تتحسن الظروف وحكت لي
عن قصتة حياتها مع ابوك والدمار اللي كان معيش امك فيه وانتوا ماكنتوا منتبهين لها كانت مخبيتكم هنا بالبيت
وهو مايدري عنكم لانه مسافر وبيوم رجع لها وهو انسان شبه منتهي يحمل مرض الموت(الايدز) فخبته عندها
بالغرفه عشان ماتبي فضيحته تنتشر وتأثر عليكم بالمستقبل وكانت ترعاه وتنتظر موته قبل ماتكشفون سرها
بس ماتت قبله
والشخص اللي دفنته هو والدكِ وانا ماحبيت اقولك عشان مابيك تتعلقين فيه وهو بيموت وامك امكن غلطت بيوم وحنت على ابوك والنتيجه انها احملت بجنين ومعه المرض وماتحملت بالولاده وماتت
فهمت نوال كل شي وعرفت كل حيرتها
فهد مدري شلون اشكرك او ارد لك الجميل لانك خدمتني خدمة العمر اللي كنت انتظر منو يخدمني ويريح لي بالي
والله يخلي لك ولدك محمد
ضحك فهد بقوووووووووووووووووه وقال نوال انتي مصدقه ان عندي ولد لا بس ذا اسم ولدي بالمستقبل والكل يناديني فيه واذا ماعندك مانع يصير ولدنا انا وانتي وصدقيني بعوضك حياة الحرمان والفقر
اللي انتي عايشته واخوانك لاتخافين بحطهم بعيوني وراح نسكن بالمدينه وبنسيك حياة القرى هنا وراح تشوفين
كل شي غير وباختصار انا عندي اجازه طويله وش رايك الان نروح المدينه نزور اختك امل وناخذ ناصر معانا
يعني محرم لك مقدما وعقبها بصير انا الكل في الكل لك
فرحت نوال وعرفت معنى السعاده صح وراحو المدينه وعاشت معه لحظات اجمل وهم بالطريق وكل واحد يحاول
يحسس الثاني بالحنان اكثر وحست نوال ان فهد انخلق لها .....كل شي تحلم فيه كان بفهد حبيبها
وصلوا المدينه ودار بها كل مكان واطلعت اختها وتشافت من حالتها واستعدوا للزواج
ولليلة العمر
وكل ليله يخططون لليلة العمر وش بيسون وانتهو من كل الترتيبات واتفقوا ان الزواج و كتابة العقد بليله وحده
وراح قبل العرس بليله يسوون التحاليل لان الماذون شرط نتيجة التحليل لكونهم يصلحون او لا
وانتهى كل شي وبليلة العرس جاب النتيجه وكان الكل عايش تحت رحمة النتيجه فهد ونوال كانوا خايفين وخاصه نوال لانها كانت خايفه من شبح التعاسه ونادى الماذون فهد على جنب وقال معليش اقولك ذا الخبر النتيجه سليمه ميه في الميه والفففففففففففففففففففففففففففففففففففففف مبروك
طاحت نوال مغشي عليه مهيب مصدقه ان كل شي تمام وشالها فهد وراحوا في سبيل حالهم
يالله توكلوا خلاص انتهت القصه وعاشوا في سعاده وبسطه وخلفوا صبيان وبنات
وبنتهم الكبيره فايزه ولدهم محمد وخلاص
مع تحياتي وتقديري لكل قرائي الاعزاء <<<<<<<<مصدق روحه انه كاتب وله قرا كثار
حلمت نوال بليله انها عايشه بقصر والكل من حواليهايقول لها امري واحنا نلبي وكان حلم غريب بالنسبه لها لان كل شي تحقق فيه الا شي واحد فاقدته وبدت تدور عليه بحلمها لان كل اللي تبيه وتمنته بالواقع تحقق لها بالحلم بس اللي ماتحقق بالحلم شوفة ابوها لانه من ظمن احلامها انه تشوفه دورت دورت بكل مكان بين اجزاء حلمها لكن صوت امها قطع عليها امنيتها يمه نوال قومي يالله وراك مدرسه وصحي اختك أمل يادوب تمشون للمدرسه
حست نوال ان ذا اليوم كله يوم شؤم من بدايته وشلون تروح للمدرسه بأغراضها القديمه ومريولها اللي له سنه ومحللته تمنت انها ماصحت من احلامها الورديه عشان ماتبي ترجع للعالم الفقر حاولت نوال تحبس دموعها قدام امها العاجزه عن كل شي ولاحظت ان امها تحاول تدبر لهم لقمه يفتحون بها ريقهم قبل مايروحون دخلت أمل تبكي وهي اصغر من نوال باربع سنين تبكي وكاره ذا اليوم الاول بالمدرسه انها تروح بمريول قديم وصحباتها كلهم مجددين كل شي.. نوال تحاشت ذا الموقف عشان ماتبي تشوف دمعة اختها ودمعة امها اللي تحاول تهدي في أمل وتوعدها باشياء قريب توفرها لها ودخلت غرفتها وبدت تمشط شعرها وسرحت بافكارها بعيد ..لوصرت زوجة مليونير وش راح اسوي بالفلوس كثير عليه ماراح اقدر اتحمل طيب زوجة شخصيه معروفه لالا ماتحمل الشهره والقلق وقيل وقال والكلام الكثير اممممممم طيب زوجة مين مين اللي مرتاح زوجة طبيب احلى شي كانت افكارها بدائيه واحلامها على قد حالها بسبب البيئه اللي عايشه فيها في قريه نائيه قليل فيها التطور يقل فيها الحياه الحضاريه وعشان كذا نوال تحلم وتفكر على اللي تسمعه من الاخبار اللي توصلها كثير.... تسمع لكن في النادر تشوف اللي يقولون عنه
فاقت نوال من شرودها بافكارها على صوت أمل.... نوال مشطي شعري وابيك اليوم تسوين جدايلي غير ما ابيهم اثنين ابي تسوين شعري ظفيره وحده ليش ياأمل شعرك روعه وطويل وناعم والظفيرتين احلى ... لان يانوال ماعندي الا شريطه وحده تظاهرت نوال انها ماسمعت لها لان احساسها باختها وعجزها ان توفر لها المتطالبات مثل صديقاتها يحسسها بالالم والاحباط ................
سارت الامور على مايرام ودخلت نوال الفصل وكان اخر سنه لها بالدارسه واللي كان يصبرها ويخفف عنها مئاسيها انه عقب سنه بتدخل الجامعه وكلمة الجامعه تعني لها اشياء كثيره وتعتقد انها فاتحة خير لها وان الدنيا بتفتح لها أحضانها
بدوا في توزيع الكتب وكل شوي داخله معلمه تشرح لهم اسلوبها وشلون نظامها ونوال كانت تهتم بكل شي ينقال وينكتب ولما كانت نوال تسجل الملاحظات جت مرام صديقة أمل تركض وتصارخ نوال الحقي بسرعه أمل مدري وش فيها تصارخ وتبكي وتسوي حركات غريبه ركضت نوال بدون وعيها ولما دخلت الفصل كان منظر اختها موب غريب عنها ذي الحاله كانت تجيها في كل سنه مره بس هالسنه جتها بالمدرسه وتمنت نوال انهم ماحضروا اليوم وحضنت اختها وهي تبكي معها حتى هدت اختها من حالة الصرع
مسكينه مرام ماتستاهل ذي الغربله و ذي الحاله كان ذا كلام المديره لنوال
حاولت نوال تفهم المديره الوضع وانه شي نادر بس المديره اصرت على رايها ان أمل معاد لها مكان هنا لازم يشوفون لها حل اما مدرسه خاصه او حتى تتعالج وترجع لطبيعتها وعقبها نوافق تكمل الدراسه عندنا
دخلت نوال البيت ودموعها ماتفارقها ركضت امها لامل وحضنتها
نوال ...امل جتها الحاله صح
استغربت نوال من احساس امها مع انها مافتحت فمها بكلمه ايه يمه والمديره رفضت انها تكمل عندنا ليش يمه والله حرام ذا القرار الاناني وش ذنبها هي مابيدها شي يمه ليش الدنيا ماترحم يمه ليش احنا اللي عايشين في هم من هم والفقر موب مخلينا نعيش ونشوف اللي حوالينا يمه تظنين لو احنا من اصحاب الملاين كان ذا حال اختي
يمه يانوال ماعمر كان الفقر عيب ولاكانت الامراض والبتلائات تنقص في قيمة الشخص ذا قدر ومكتوب ولازم نرضى فيه
يمه طيب وش تفسرين غيبة ابوي السنين هاذي كلهابعد قدر ومكتوب معقوله يمه ابوي يغيب عنا ذا المده ولاندري هو حي والا ميت ولو حي شلون له قلب ينام وياكل ويضحك واحنا اللي قطعه منه مايدري عنا عايشينا والا في قائمة الموتى يمه ودي يوم بس تبتسم لي الحياه موب تضحك بس ابي احس بالامان شوفي يمه دراسه ماراح اكمل واراح ادور أي شغل عشان اعالج اختي وتكمل تعليمها وكل شي انحرمنا منه بعوضكم طلعت نوال غرفتها وهي تشيل ورى ظهرها الف هم وهم تحس انها الحين مسئوله عن ثلاث انفس امها واختها واخواها وشلون بتعيشهم ومن بدى النور خرجت نوال تدور بين البيوت شغل بحكم المنطقه اللي هي ساكنتها مافيها لاوظايف حكوميه ولا شي كانت قريه قريبه من حياة اهل الصحراء البدو وكل ماطقت باب لقت الرفض اما انهم مكتفين بالخدم او حالتهم اخس من حالتها وهي ماره بالطريق لفت انتباها شخص يطاردها تقريبابنص عمره يعني لاهو كبير شايب ولا مراهق خافت وبدت تركض حتى وصلت البيت باليوم الثاني جت امها تصحيها تقول ان فيه خطيب جاها ويبيها فرحت نوال وبدت تسنع عشان بتشوفه تفاجئت انه نفس الشخص استغربت شلون امس يشوفني واليوم يخطب بس على قولتهم (جت الحزينه تفرح مالقت لهاش مطرح )انه يبي يعرس عليها مسيار متخفي بدون محد يدري وعجزوا يعرفون السبب وافقت نوال بدون مقدمات لانها حست انه هو الوحيد اللي بيطلعهم من حياة الفقر بس امها وقفت بوجها ورفضت يكون سري او بالطريقه اللي تحرمها من انها تعيش مثل البنات يمه نوال حرام عليك اللي تسوينه وحده مثلك بجمالها ورقتها وحلاوة اخلاقها وهدوئها وذكئهاانها تعيش بوضع الخوف والدس ليش يمه وانتي الف من يتمناك صرخت نوال بمها واصرت على رايها بدون ماتفكر وش العواقب
كانت ليله صعبه على نوال انها تعيش مع شخص ماتعرف منه الا اسمه فقط كل شي بالنسبه لها غامض وحتى شعورها من ناحيته كان خالي من المشاعر ماحست معه حتى بالراحه حاولت تطرد من بالها هالافكار وتفكر بعقلها وتبطل بتفكير المشاعر لانها جزمت انها تعيش عشان توفر لاهلها اللي انحرموا ومنها وتضحي بقلبها اللي ماعرف معنى الحب ولا الاحساس فيه بيوم ومرت الايام ونوال حالها هي واهلها متيسر كل اسبوع يجيها مره ويعطيهم المقسوم ويرحو وحست نوال باعت نفسها برخيص بدون ماتحس بالحياه الزوجيه اللي كل بنت تحلم فيها بس حاولت تخبي عن امها ذي المشاعر وتبين قدامها انها مبسوطه وفرحانه
سمعت نوال صراخ وبكى وعالم داخله طالعه وركضت ولقت امها تضم اختها وتصيح لانها عرفت ان حالة اختها رجعت بس هالمره صعبه لانها حاولت اختها تنتحر بدون ماتحس بنفسها وكان منظر الدم مروع وماتحملت امها ريحة الدم واغمى عليها ونقلهم للمستشفى
جا الدكتور قريب من نوال وقال مبروووووووووووك حامل صرخت نوال بقوه كل من في المستشفى سمع صراخها صحت امها من حالتهاشافت نوال شبه منتهيه نوال وش فيه وش صار لاختك بسرعه ..حاول الطبيب يفهم الام الموضوع قال لها:مدري بشرتها بالحمل وصرخت انفجرت الام بالدموع وشلوووووووووووووووووووون أمل حامل شلون ابي افهم وهي ولادقيقه غابت عني شلووووووووووووووووووون جلست تصارخ بس نوال جمعت كل قوتها يمه موب أمل اللي حامل انتييييييييييييييييييييييييي يايمه انتي اللي حامل
تذكرة نوال انه ابوها مات من زمممممممممممممممممممممممان
نوال حست ان جلوسها جنب امها بالمستشفى ماراح يفيدها وخاصه ان امها بغيبوبه واكدو الاطباء انها تحت رحمة الله يعني مايقدرون يحددون متى تفوق من حالتها تذكرت اختها واخوها ورجعت لهم البيت وهي كلها رجاء ان امها تصحى وترجع لهم البيت وتفهمها اللي هي مهيب راضيه تستوعبه شلون امي حامل وبشهرين .. كيف وشلون وابوي من زمان ماجانا ولا عرفنا طريقه ....دام تفكير نوال على ذا الحال وجا حزة الليل وبدت نوال تدبر لخوانها عشا وعقب مانامو ولجئت هي لفراشها والتعب والهم هدوا حيلها سمعت طق الباب وكان بقوه جت تركض وافتحت وفرحت وبغت تقطع من الفرحه يوم شافت زوجها حاولت ترتمي بحضنه حست ان الامان رجع عقب ما انقطع عنهم بس لاحظت هالمره الشر يتطاير من عيونه و كان يقول كلام مهيب راضيه تستوعبه واغلب كلامه يدق بالكلام فيهم.. حاولت نوال انها تكون اقوى وتمسك اعصابهاوماتنفعل بالبكا والصراخ لانها اشبعت دموع والم لما سمعت كلمة(امك حامل) حاولت نوال تفهم وش يبي وش يقصد قام يخبط بكلماته الجارحه لها وانكم تدعون الاخلاق والشرف وانتوا من جنبها انصدمت نوال من كلامه وافترائه انربط لسانها حتى ابسط حقوق امها انها تدافع عنها ماقدرت تمنت ان الارض تنشق ولاتشوف مثل هاليوم تمنت انها تموت ولا احد يتفوه بكلمه عن امها العفيفه الطاهر لكن هو ماعطاها فرصه رمى عليها الطلاق وقال انكم عايله ماتشرفون وخبر امك على كل لسان وطلع وترك خلفه حطام امراءه ترك انسانه في دوامت الف سؤال وسؤال ليش المصايب تتحذف علينا من كل مكان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دخل ناصر وبيده قميص امه كانت دموعه هي الوسيله الوحيده اللي يعر ف يعبر عن مشاعره وماكان احد يفهم ويعرف
وش يبي غير امه صحت نوال على دموع ناصر وكان يأشر بيده على القميص يعني وينهي فيه وين امي لان طول هالفتره فاقدها بس موب عارف يقول ابيها محتاج لها
نوال ماتحملت الموقف واحضنته وحاولت تفهمه بس عجزت شلون تفهم انسان محروم من السمع والنطق من طلع بها الدنيا
نوال حست بمسئوليه كبيره وخاصه بغياب امها اللي دام فتره طويله وودها الوقت يمر بسرعه عشان تفهم وش سالفة حمل امها المفاجئ ..نوال خايفه من قوة السبب لكن كان عندها امل ان والدها موجود لانه مستحيل تفكر بامها غلط اوتسيئ الظن فيهالانها تعرف ان امها انسانه خلوقه ودايم تربيهم على الطريق الصح
مرررررررررررررت الشهور ونوال ألمها يزيد يوم عن يوم كل ماشافت بطن امها يكبر قدامها وشايله هم وش تقول لناس اذا طلعت امها من المستشفى طفل مين ذا اللي بين ايديهم ؟؟
مرت تسعه شهوووووووووور ونوال على اعصابها مابين اخوانها اللي بالبيت وخوفها عليهم ومابين امها اللي كل يوم تزورها وتتئمل انها بكل زيارها يبشرونها انها صحت
نوال جالسه بين اخوانها عقب المغرب تلعبهم تحكي لهم قصص تحاول تنسيهم امها اللي كل شوي يدورونا عليها بكل غرفه طق بابهم مرسول من المستشفى يطلب نوال انها تجي لان ماكان عندهم لاتليفون ولاشي يكلمونها فيه راحت نوال لهم وتركت اخوانها عند جارتها
بشرها الدكتور : جتكم بنت ........نوال ماكان يهمها اللي يقوله الطبيب كان كل تفكيرها امها دكتور ممكن اتطمن على امي بليزززززززززززز محتاجه اشوفها ....
الان ممنوع لان حالتها حرجه
طيب دكتور امي صحت من الغيبوبه ؟؟
ايه صحت وكانت تنادي بسم شخص
منهو دكتور بليزززززززززززززززززززززز؟؟
اظن اسمه فهد...
نوال انصدمت من هالاسم بحياتها ماسمعت عنه منو فهد وش علاقته بأمي
فاقت نوال على حركه غريبه بغرفة الولاده دخول الطبيب بسرعه وممرضات متجمعين حولين امها بلحظه حست بهدوء غريب وصمت تفائلت انه خير وان امها راح تناديها وترجع لهم وتشيل عنها الحمل الثقيل ......لان صغر سنها مايسمح انها تتحمله كانت تفكر وش اول كلمه اقولها لها عقب ها الغيبه الطويله ..وحشتيني اشتقت لك الدنيا ماتسوى بدونك يووووووووه كل هالكلام مايعبر عن اللي في داخلي لانه مايوفي قدر مشاعري وشوقي لها
جت الممرضه تركض نوال بسرعه امك تبيك ركضت نوال ناظرت بامها ياأللله غريب منظر امي نظرتها لي غريبه احس ودها تقول شي بس فيه شي مثقل عليها يووووووو لسانها مايتحرك عيونها ثابته فيه .... حاولت تقترب منها إللهي يدها بارده ياربي وش فيها امي دكتور امي وش فيها لاتقول رجعت لحالتها الاغماء
دكتوررررررررر فهمني اعصابي ماتتحمل بليزززززززززززززززززززززززز دكتور سوي اي شي خلي امي تكلمني والله والله محتاجه لها مالي غيرها بهالدنيا دكتوررررررررررررررررررررررررررررررررر ارجوك
يمه ردي علي يمه لاتتركيني بليززززززززززززززززززززززززززززززززززززز يمممممممممه
http://www.enshad.net/audio/Jawaher..._Thakartoki.ram
كان يراقب نوال من بعيد موب فاهم وش اللي يصير بالبيت ناس داخله وناس طالعه وودموع وصراخ وحريم بعباياتهم وكل شوي تتدخل حرمه وتتطلع بسرعه وناصر بمكانه موب فاهم وش تعني ذي الحاله وش اللي يصير بحوله كل ما اقترب من نوال يبي تفهم وش السالفه يلاقي صعوبه لانها بين كومت حريم يكلمونها ويهدون عليها وهو لاحول له ولاقوه له
لانه مايسمع وش يقولون ولا هو قادر ينطق ويسئل وراح يركض ليم غرفة امه يدور عليها بس لقى نفسه بداخل دولابها وضم ملابسها وحس انه بأمان
هدت الامور وفضى البيت من المعزين والناس..............
وبدت تستوعب كل شي حولينها البيت فضى عليها اصبحت هي الام والاب والعائله لاخوانها تذكرت امل وناصر بدت تتلهف عليهم تتدور عليهم بكل مكان سمعت أنيييييييييين جاي من غرفة امها فتحت الباب بدت تتبع الصوت حتى وصلت الدولاب فتحته شافت منظر ناصر انهارت ماقدرت تتمالك نفسها ناصر حاضن ملابس امه بقوه ونايم بوسط اغراضها ومازالت الدموع تنزل وهو في عز نومه لان قلبه كان مشغول بامه وحتى هو بعز نومه ...
حضنته نوال بقوه وتعهدت انها تبيع هالدنيا كلها وتضحي بحياتها عشان اخوها واختها فجئه تذكرت نوال المولده الجديده زاد الهم عليها شلون بتتحمل مسئولية طفله رضيعه وهي ماعندها اي فكره عن الاطفال و هي بنفسها نوال طفله تحتاج من يراعيها فكيف طفله بتراعي رضيعه راحت للطبيب عقب ايام تسئل عن الطفله وفي بالها بتسميها فايزه على اسم امها ...
دكتور ممكن استلم اختي ناظر الدكتور بستغراب وقال ماوصلك الخبر؟؟ انى دفناها مع امك لانها ولدت وهي مشوه وماقدرت تعيش ....................
صحيح كان الخبر مؤلم وقاسي انها تفقد شخص جزء منها وحتى لو ماشافتها بس كان فقدانها لاختها اخف مراره من فقدانها لامها اللي كانت كل شي بحياتهم
مرررررررت الايام ونوال مابين طلبات اخوانها مره تسكت ناصر ومره تهدي في امل وامل زادت الحاله اكثر
والفقر ماكان يرحمهم ...........
وعزة نفس نوال تمنعها انها تمد يدها للناس ولو أنها تأكل اخوانها من لحمها ............
لان ماتبي اي كلمه جارحه يقولنها الناس لهم.............
نست نوال سالفة حمل امها مع الهموم ولان اندفن السر مع امها وموت الطفله كان كفيل انها تنسي نوال القصه مع ان الخاطره تجيها مابين فتره وفتره والاسئله تلعب براسها لعب وعقبها تتدوخ وتنام وتصحى الصبح وتنشغل بين اخوانها
نوال كل ليله يصحيها أنين جاي من غرفة امها تروح وهي متاكده انه اخوها ناصرتاخذه من الغرفه وترجعه لفراشه
خرجت نوال من البيت بيوم لانها حست كل اللي قدرت تجمعه لاخوانها من اكل وشرب على النهايه وراحت تدبر امورها مثل العاده وترجع عقب الساعه احدعش بالليل عشان تهتم فيهم
وبليله هي راجعه لقت علبة كرتون مناديل فاضيه وبوسطها ورده حمرا طبيعيه وتعج منها الريحه بقوه يعني اللي فهمته اني اللي قصد هالكرتون وحطه عند عتبت بابهم مازال حوالين بيتهم خافت ودخلت بسرعه وماخذت العلبه
امل شوفي وش جبت لك مريول جديد وشراب وجزمه وانا اخذت وعد من المديره انك ترجعين للمدرسه وتنبسطين مع صديقاتك بس بشرط بدون مشاكل وانفعلات لانك تعرفين وش صار لك بالمره الاولى ....
من كثر فرحة امل بالاشياء الارض مهيب شايلتها وليلها كله تفصخ وتلبس المريول ومنشغله بشعرها مره تربطه بشرايط ومره تترك كشتها مفتوحه
وناصر لاهي بألوانه الخشبيه اللي كان يتمنى انه يمتلكها و ويشتريها وكل واحد بالبيت مشغول باللي هو فيه
وبعد ماناموا الكل بقت نوال ترتب البيت وكان تفكيرها مشغول باللي صادفته عند باب بيتهم ياهل ترى حركه مقصوده؟؟ والابا الغلط رميت علبة المناديل عند الباب؟؟ طيب وش سالفة الورده اللي بوسطه
وهي غرقانه بتفكيرها سمعت أنين بقوه اكثر من كل ليله بس اللي صدمها ان ناصر نايم بغرفته وصوت الأنين طالع من غرفة امها
ركضت ليم الغرفه وتتبعت الصوت حتى وصلت.........................................
رجعت نوال لغرفتها وهي مهيب مستوعبه الصوت اللي سمعته لكن ماأخذ ذا الامر شي مهمه بالنسبه لها لانها تعتقد ان من كثر مهيب مرهقه وتعبانه صار يتهيئ لها تسمع أي شي حولها صحت الصباح و صحت امل والبست ومشطت شعرها وتذكرت نوال امها ولفت شريط ذكرياتها وايام كفاح امها وشلون تتعب وتجاهد عشان بس تشوف ابتسامتنا
راحت امل مدرستها بقت هي وناصر حست انها مقصره بامور ناصر ورى ماأحاول بالمدرسه اللي قريب منا يقبلون ناصر عندهم حتى لو انه سمعه جدا ضعيف ويبي من يقرب منه اكثر عشان يسمع بس مافي مانع اني اوفر له سماعات ترفع سمعه وهو ذكي وبإمكانه يكمل مشوار دراسته ولانها تلاحظ ان ناصر عنده قدره هائله انه يفهم كلام الشفايف تشجعت
اكثر وتحمست انها تغامر وتروح للمدرسه تقدم له
خذت ناصر وراحت للمدرسة العيال وطلبت تكلم المدير ...شرحت ظروفه وانها ماتبي يضيع مستقبل اخوها وبينت له ان ماعندها لاسند ولاظهر تنشد عليه وهي على الله ثم هالولد
صرف المدير نوال وقال ماعندي استعداد اقبل ناس اتعب معاهم وفي تعليمهم شوفيلك معهد خاص له..كان قلبه اقسى من الحجر ..ماكان بيدها الادموعها تخفف عنها مئساتها
وهي بالطريق راجعه سمعت صوت شخص ينادي بسم ناصر مااهتمت بالامر لانها تظن ينادون على واحد غير ناصر اخوها
وبدت تسرع في مشيتها اكثر لكن مازال اللي ينادي بسم ناصر وراها التفت كان شخص غريب
وقفت هي بنص الطريق تناظر له بغرابه
لوسمحتي ممكن اتكلم مع ناصر شوي؟
منو انت؟
سحب ناصر من ايده وقال لها بس دقايق ابي اكلمه على انفراد اخذ ناصر على جنب الطريق وبدى يكلمه بالاشاره
وناصر مبسوط
لكن نوال انشغلت في منظر الشخص الغريب نست انها بالشارع وبوسط الناس اصلن نست وش يبي من ناصر
او انها تحاول تراقب وش يقول
لانها انشغلت في النظر له جالسه تتامل وسامته كان وسيم يميل للبياض اكثر..عجبها طوله في نص عمره يعني ولد الثلاثين اكثر شي جذبها عيونه تحس انها ممكن تفهمه لومجرد انها تناظر فيه ..طريقة كلامه وحركاته با الاشاره لفت انتباها بقوه جلست نوال على ذا الحال تتنقل بنظرتها يمين يسار على هالشخص الغريب لانها كانت بذا الوقت تفكر بقلبها ونست عقلها معه
لوسمحتي عطيني اوراق ناصر وانا بتولى امره ممكن؟
نوال ماردت عليه كانت غارقه بافكارها نادى عليها اكثر من مره حتى مسكها ناصر بيده يعني انتبهي له
معليش اسفه كنت سرحانه شوي
أبتسم.. لا عادي موب مشكله بس يالليت تسمحين لي اخدمك وتعطيني كل اوراق ناصر وانا بتولى امره
نوال بذا الوقت بغت تطير من الفرحه لو ماتمالكت نفسها كان طارت وسلمت عليه بس مسكت نفسها وصارت تتخبط بالكلام مره تقوله لا مايحتاج نتعبك معانا ومره تقوله شكرن وماقصرت
اخذ الاوراق وراح ونوال ماتركته يغيب عن نظرها طول ماهوماشي حتى غاب هو عن عيونها وراح
رجعت نوال البيت فرحانه متشققه من الفرحه ماتدري وش سبب هالفرحه كلها امكن عشان اخوها؟ بس فرحتها ذي تحس أنه شي غريب مثل اللي يحكون عنه بالروايات تحس دقات قلبها سريعه.. ومالقت لفرحتها تفسير
رجعت امل من المدرسه وكان ذاك اليوم اليوم الوحيد اللي حسوا كلهم بطعم قليل من السعاده على الرغم
من قساوة حياتهم
قالت امل:نوال احس بدوخه مدري وش فيني لي يومين ابي اروح مستشفى
نوال حست ان حالة اختها واللي تحس فيه انه ماراح يجي من وراه خير بس حالة امل لازم مستشفيات متخصصه وكبيره واللي عندهم حيا الله مستوصفات حقت بنادول وففيفادول ماش طبهم مثل وجيهم خايس
.................................................. ................
ناصر منو مدرسك الان بالمدرسه ؟
كتب لها مايعرف اسمه بس هو نفس الشخص اللي كلمهم بالطريق
نوال حست ان قلبها رجعت له الحياه مع انه ماكلمها ولا قال شي يخصها كان مجرد فاعل خير وينتهي
بس نوال حطته في بالها وحست انها ظلمت نفسهاوخذتها مشاغل الدنيا عن حياتها الخاصه وان حالها مثل أي بنت لها قلب تحب وتعيش ها الشعور
لكن خافت انها تعيش بسراب معه وانه هو امكن يكون مرتبط او في حياته انسانه ثانيه..................
وحاولت تشيل هالشخص من بالها وماتبي تتعلق فيه لانها مهيب ناقصه تتحطم كفايه تجربتها الاولى
كل يوم يرسل لها استاذ حق ناصر ملاحظات بالدفتر وش يوميات ناصر بالمدرسه ولكن يوقع بدون مايكتب اسمه
ويكتفي بتوقيعه حرفه الاول(الفاء)
ناصر يالله قبل ماتنام كمل الواجب واكتبه لكن ناصر نام على الدفتر وهو ماكمله فضطرت انها تكمله بخطها
رجع ناصرمن المدرسه زعلان وهو يأشر على دفتره فتحته نوال لقت الصفحه مشقوقه
ليش منو شق لك الصفحه ؟؟
كتب لها الاستاذ وانه طلب انه مايتكرر بس سئلني منو اللي كتبه؟؟ وقلت مدري وقال لازم تعلمني والا بعتبرك غايب ..بكى ناصر
بعد مادخلوا كل الطلاب المدرسه جت نوال عند باب المدرسه وطلبت تكلمه
جا نفس الشخص اللي قابلته بالطريق
تبلمت نشف ريقها ودها تتكلم بس ماقدرت
قال لها نوال وش فيك تامرين بشي غريبه حضورك للمدرسه؟؟
لا بس جيت عشان افهمك سالفة ناصر ترى انااللي..........
.قاطعها وضحك.. وقال انا عارف انه خطك يانوال بس انا تصرفت كذا عشان بس اعلمه واربيه على اشياء واصول لازم يفهمها قبل مايكبر ولازم يعتمد على نفسه
نوال ودي اقولك شي بس خليه بوقته ولاتستغربين كلامي بس ياليت تنتبهي لنفسك وللبيت اكثر ولاتفكرين كثير اوكى
يالله نوال تأخرتي الحين ارجعي البيت وبعدين راح نتكلم بصراحه
راحت نوال البيت وبدت تسترجع كلامه واحتارت فيه وحست ان ذا الشخص له علاقه فيهم وشلون عرف اسم ناصر وهم راجعين بالطريق وعرف اسمي وعرف خطي وذا اللي بغى يهبل فيها مع انها ماعمر احد شاف خطها
منوووووووووووووووو ذا الشخص ياربي؟؟
بليله راجعه من عند جارتهم تكرر نفس الشي بذيك الليله علبة منديل وبوسطها ورده ومكتوب عليها
(يا اجمل ما رات عيني )
زعلت نوال من هالتصرف وحست انه ناس يبون لها الاذى وخاصه انه ماعندها رجال بالبيت دخلت معصبه واخلاقها قافله بس مالحقت على اخوانها لقتهم نامو ودخلت غرفتها وهدت شوي وتذكرت انها لازم تجمع اغراض امها وتتصدق فيهم لان وجود اغراضها بالغرفه يرجع لهم الالم والحزن دخلت الغرفه فتحت دولاب امها....................
وبدت تفكك الاوراق والاشياء لقت اشياء غريبه اوراق وكلام كتبته هي بيدها ومستغربه امها ليش محتفظه فيه
ولقت صور للناس غريبين لها شافت صوره لشخص يشبها كثيرررررررر بعيونها وفمها وحست انه هو ابوها االلي تحلم طول عمرها تشوفه كانت مبسوطه لكن صوت الانين رجع لها بالغرفه وكل ما هو يزيد جمعت الاغراض وماكملت شوفتها للصور وركضت ليم الصوت وقربت منه اكثر ................
ياربي الصوت ورى هالدولاب حاولت بكل قوتها شوي شوي زحف معها انصدمت مهيب مصدقه المنظر باب ورى الدولاب شي عجيب
فتحت الباب قربت يم الصوت حتى وصلت لكن الصرخه اللي سمعتها كان اقوى من استيعابهاللمنظر اللي قدامها
كان جالس بركن الغرفه متهالك ..مبين عليه التعب والارهاق ..مهمل في شكله ..مايقدر يتكلم...كل تعبيره كان بالدموع ..
فهمت منه نوال انه يسئل عن امها فايزه ؟؟؟؟؟
استغربت من وجود شخص بذا الشكل بينهم اخذتها االافكار ونست انها في اعظم مصايبها منو ذا الشخص وليش امي حبسته عنا وماتبينا نشوفه?? معقوله قدرت تخبي عنا كل ذ الفتره من السنين ومانحس بوجوده ... اه على حياة الفقر خلتني اعيش باحلامي واغفلتني عن كل شي يصير من حولي بدون ما انتبه ..................
ركزت على منظره اكثر ..كبير في سنه المرض هالكه.. يحاول يستنجد فيني .. مبين له فتره طويله ما اكل ولاشرب وجه مايل للزراق ومختنق .... الشيب مغطي كل شعره وجه............
بدى يقترب منها خافت نوال رجعت للخلف خطوات
سئلته: منو انت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رد عليها:اكيد انتي نوال... ودموعه كانت تغلبه في انه يكمل كلامه
ايه نوال بس ماقلت لي منو انت وليش انت هنا ومنو اللي مسوي فيك كذا؟؟؟؟؟؟؟؟؟؟؟
انتظرته يرد دقيقه دقيقتين ثلاث بس طول صمته وسكوته قربت منه اكثر انصدمت فقد الوعي معاد يتكلم ...
تدهورت حالة نوال صعب عليها الموقف وعظم المصيبه وش الحل وشلون تنقله لللمستشفى وش تقول لهم منو ذا الشخص؟؟؟
بس خوفها انها تفقده وانه تحس ان ذا الشخص هو مفتاح لكل الاسرار والاشياء الغريبه اللي تحصل لها وخاصه
سر حمل امها المفاجئ
ركضت بسرعه ونقلت المستشفى هناك شافت امور غريبه انزعاج كثير ملاحظته على وجه الاطباء والممرضات والكل بدى يبعد ويلبس اشياء واقيه بسرعه.... نقلوه بمكان عازل بعيد
كانتتراقبهم من بعيد لبعيد حتى وصلت عند باب مكتوب ممنوع الدخول وما يدخله الا المختصين بذا المجال...
عرفت نوال ان ورى ذا الشخص اسرار كثيره وتمنت انه يعيش عشان يريحها من حيرتها وتهدى حياتها.....
حست نوال انه مالها داعي تجلس بالمستشفى وان اخوانها محتاجين لها الحين وودها تسئل الطبيب عن حالته
بس ماكان الطبيب معطيها وجه مشغول
وصلت البيت الفجر ورجعت للنفس الغرفه كان مكانه غريب مبين انه له سنين وهو عايش هنا معقوله
يكون ابوي ركضت ليم الصور ركزت بالصوره اكثر لكن ملامحه كانت بعيده عنه منو ذا الشخص حاولت تدور له
صور اكثر لكن الصدمه كانت اقوى لما طاحت بين ايديها صورة مدرس اخوها ناصر..كانت له.صور كثيره
اشياء غريبه تحصل حولها تعبت انهارت نوال بكت بقوه ..
ليش بعمري ذا ماشفت للراحه مكان هنا ليش كل يوم والثاني اعيش بحيره اكثر وادخل في متاهات اعظم
انتبهت لامل وهي داخله عليها نوال انا منيب رايحه للمدرسه خلاص
ليش يامل وش صار منتي مبسوطه بالمدرسه؟؟
الا بس ترى الحاله جتني اكثر من مرتين بالمدرسه وكانت المديره ترسل لي خطاب لك بس ما علمتك
عشان شايفتك مشغوله ولاحبيت ازعجك
امل وين الخطابات ابيهم بسرعه
تفاجئت الخطاب كان عباره عن فصل لاختها امل من المدرسه نهائيا ونفس كلامهم اللي اللي قبل المكان
مايناسبها عندهم
دموع نوال تحجرت....دخلت غرفتها وتركت كل شي وراها واستسلمت للحياه بعد ماحاولت انها تكافح وتجاهد عشان تعيش هي واخوانها بسعاده بس عرفت ان القدر والنصيب حارمهم من السعاده....
دام حال نوال على ذا الوضع يومين بس طايحه بفراشها الحمى هالكتها من قوة الصدمات جسمها النحيل معاد
يتحمل الاوجاع والهموم ..
تحسنت حالتها شوي باليوم الثالث.... وجا ناصر وقرب من نوال وبيده دفتر المتابعه اليوميه اللي كل يوم نوال تتابع حالته فيه وتوقع له بالدفتر عشان الاستاذ يعرف ان اهله متابعين حالته بعد ...بس استغربت بوسط الدفتر ورقه صغيره مكتوب فيها كلمه وحده(فقدتك)
معقوله يحمل لي نفس المشاعر يحبني؟؟؟ مهيب مصدقه اللي تشوفه حاولت تفسر هالكلمه بكل المعاني
مالقت له الا معنى واحد انه تعني له شي بحياته ولاتدري وشهي الان بالنسبه له
بدت نوال تسترجع عافيتها عقب طيحتها لقت امل بغرفتها وحالتها سيئه ...
امل لازم اوديك مستشفى تخصصي يشوف حالتك وباذن الله بترجعين للعافيتك وبترجعين المدرسه
راحت نوال لجارتهم اللي قريبه منهم وطلبت منها انها تساعدها في حالة امل
طلبت جارتهم انها تتولى امر امل لانها بتسافر للمدينه واللي فيها المستشفيات المتخصصه وهي بتشوف لها علاج
فرحت نوال وحست ان الدنيا بدت تفتح لهم بابها وودعت نوال امل وجارتها وسافروا
وانتهى جزء بسيط من هموم نوال....
تذكرت نوال الشخص الغريب وراحت المستشفى تتطمن عليه لكن رفضوا يعطونها أي معلومات الا بوجود ولي امرها
او رجل بكت نوال عندهم ترجتهم فهمتهم انه مالها احد بالدنيا رجال تنشد عليه ماعندها الا اخو صغير
بس هم رفضوا يعلمونها الا بوجود رجل
طلعت نوال من المستشفى تتخبط بهاالشوارع ماتدري مين تروح له جيرانهم اللي كانوا كل شي لها سافروا
باختها امل ....
تذكرت مدرس اخوها... تذكرت الانسانه اللي تحبه ...تذكرت انها بيوم وهم ماشين علمها اخوها ناصر سكن المدرسين العزابيه هنا وان استاذه ساكن هنا وكل نهاية اسبوع يرجع للمدينه لاهله يزورهم وعقبها يرجع للدوامه
حست نوال انها مالها بهالدنيا الا هو... ركضت ليم شقتهم طقت الباب طلع لها رجل غريب واعرفت انه من ربعه
سئلته :ممن اكلم استاذ...................تلخبطت نوال تذكرت انه ماتعرف اسمه انحرجت قدامه حاولت تقوله أي شي
معليش اقصد الاستاذ اللي يدرس اخوي ناصر اللي.............
اها عرفت انتي تقصدين الاستاذ ابو محمد دقيقه اناديه... انصدمت نوال وحست ان كل احلامها تبخرت وانه كل شي حلمت فيه ماهو الا سراب طلع االانسان اللي حبته مرتبط وعنده ابناء تمالكت نفسها مسحت دموعها حاولت
ان تخلي الامر طبيعي بس اضطرت انه تلجئ له لان ماتعرف احد غيره ممكن يساعدها
هلا نوال عسى خير .. وش اللي صار ناصر فيه شي؟؟
شرحت نوال له السبب وانها تبي يساعدها عشان تعرف سر الشخص اللي بالمستشفى
كان الصمت ملازمهم وهم بالطريق ونوال ودها تعرف ليش صوره عندهم وشهو علاقته بامها ومنو هو؟؟
بدت نوال تتكلم لانهاتحاول تستدرجه بالكلام فبدت تحكي له سالفة الشخص الغريب وانه كان بغرفه معزوله....
وكل ماتحكي له عن الاحداث ماكان يتفاجئ وكأنه عايش معاهم وكل شي تقوله يرد عليها حصل خير الله يفرجها
انفلت اعصاب نوال ومسكته مع ايده بقوه انت احر ماعندي أ برد ماعندك ... منو انت وش علاقتك فينا؟؟؟
ابتسم لها وقال:نوال ماتلاحظين شي غريب.... ايدك عورتني
انحرجت نوال وحست انها تجاوزت حدودها
عادي نوال قريب راح تتعودين على ايدي
وصلوا المستشفى قابل الاطباء تكلم معاهم كان الكلام كله وين اهل الميت منو راح يستلمه ؟؟؟
صرخت مممااااااااااااااااااااااااااااااااااااااااااااااا ت لا مو معقوله مات اللي كان املي كله فيه مستحيل يموت وتندفن معه كل حيرتي ارجووووووووووووووووووووووووكم لا صارخت نوال
ركض لها وضمها ونوال بذا الوقت ماحست فيه ولا انتبهت بوجود الاستاذ قريب منها وهي بحضنه فاقت نوال على كلام الطبيب للاستاذ وهو يناديه اخ فهد ممكن توقع لنا هنا
تذكرت ان اسم فهد موب غريب ايه صح ذا الاسم اللي امي كانت تناديه قبل ماتموت
انتهى فهد من دفن الشخص اللي مات وراح و طلع نوال من المستشفى
فهد؟؟
هلا قلبي نوال
ممكن اعرف منو انت وش الاشياء اللي مخبيها وليش احسك مبسوط لما مات اللي تو
ومنو ذا وكيف وجلست تبكي نوال من كثر مهيب تبكي ومحروقه
شوفي نوال القصه طويله وامكن لو احكيها لك بتتعبين اكثر وكل شي انا اشوفه انتهى ولازم انتي تنتبهين
لنفسك وتشوفين حقوق نفسك عليك حرام ذا الجمال يندفن وانتي ماحسيتي فيه تتدرين انك( اجمل ما رأت عيني)
انصدمت نوال يعني انت يافهد صاحب الورد اللي كل يومين ثلاث اشوفه عند الباب
ايه انا... وانا موب تو اعرفك نوال صدقيني نوال انا اعرفك من زمان وكنت اشوفك لما تروحين للمدرسه
وتعلقت فيك بجنون وكنت ابيك زوجتي وجيت لامك اكثر من مره وحاولت معها بس هي كانت ترفض لانها
تشوفك طفله وخايفه عليك وكنت قريب منكم بكل يوم حتى امك وعدتني انك لي بس تتحسن الظروف وحكت لي
عن قصتة حياتها مع ابوك والدمار اللي كان معيش امك فيه وانتوا ماكنتوا منتبهين لها كانت مخبيتكم هنا بالبيت
وهو مايدري عنكم لانه مسافر وبيوم رجع لها وهو انسان شبه منتهي يحمل مرض الموت(الايدز) فخبته عندها
بالغرفه عشان ماتبي فضيحته تنتشر وتأثر عليكم بالمستقبل وكانت ترعاه وتنتظر موته قبل ماتكشفون سرها
بس ماتت قبله
والشخص اللي دفنته هو والدكِ وانا ماحبيت اقولك عشان مابيك تتعلقين فيه وهو بيموت وامك امكن غلطت بيوم وحنت على ابوك والنتيجه انها احملت بجنين ومعه المرض وماتحملت بالولاده وماتت
فهمت نوال كل شي وعرفت كل حيرتها
فهد مدري شلون اشكرك او ارد لك الجميل لانك خدمتني خدمة العمر اللي كنت انتظر منو يخدمني ويريح لي بالي
والله يخلي لك ولدك محمد
ضحك فهد بقوووووووووووووووووه وقال نوال انتي مصدقه ان عندي ولد لا بس ذا اسم ولدي بالمستقبل والكل يناديني فيه واذا ماعندك مانع يصير ولدنا انا وانتي وصدقيني بعوضك حياة الحرمان والفقر
اللي انتي عايشته واخوانك لاتخافين بحطهم بعيوني وراح نسكن بالمدينه وبنسيك حياة القرى هنا وراح تشوفين
كل شي غير وباختصار انا عندي اجازه طويله وش رايك الان نروح المدينه نزور اختك امل وناخذ ناصر معانا
يعني محرم لك مقدما وعقبها بصير انا الكل في الكل لك
فرحت نوال وعرفت معنى السعاده صح وراحو المدينه وعاشت معه لحظات اجمل وهم بالطريق وكل واحد يحاول
يحسس الثاني بالحنان اكثر وحست نوال ان فهد انخلق لها .....كل شي تحلم فيه كان بفهد حبيبها
وصلوا المدينه ودار بها كل مكان واطلعت اختها وتشافت من حالتها واستعدوا للزواج
ولليلة العمر
وكل ليله يخططون لليلة العمر وش بيسون وانتهو من كل الترتيبات واتفقوا ان الزواج و كتابة العقد بليله وحده
وراح قبل العرس بليله يسوون التحاليل لان الماذون شرط نتيجة التحليل لكونهم يصلحون او لا
وانتهى كل شي وبليلة العرس جاب النتيجه وكان الكل عايش تحت رحمة النتيجه فهد ونوال كانوا خايفين وخاصه نوال لانها كانت خايفه من شبح التعاسه ونادى الماذون فهد على جنب وقال معليش اقولك ذا الخبر النتيجه سليمه ميه في الميه والفففففففففففففففففففففففففففففففففففففف مبروك
طاحت نوال مغشي عليه مهيب مصدقه ان كل شي تمام وشالها فهد وراحوا في سبيل حالهم
يالله توكلوا خلاص انتهت القصه وعاشوا في سعاده وبسطه وخلفوا صبيان وبنات
وبنتهم الكبيره فايزه ولدهم محمد وخلاص
مع تحياتي وتقديري لكل قرائي الاعزاء <<<<<<<<مصدق روحه انه كاتب وله قرا كثار