دايم السيف
29-11-05, 11:37 AM
اخترت لكم هذه القصيدة للشاعر المبدع ياسر التويجري :
ياصاحبـي يانـور يـانـور يـانـور
والوقت ضلماء وانـت مـن يقتدىبـه
ضاقت عليّ وضقت من حـرة الجـور
مـن شـي والله ماحسبـنـا حسـابـه
مير الوكـاد إنـك تبـي تتقـن الـدور
قصة مسلسـل وانـت ضـد العصابـه
صافـي نوايـا وانـت بالله منـصـور
حط بيمينـك سيـف واقضـب نصابـه
واركب على اللي لانخيته علـى القـور
ماكـنـك إلا تنتـخـي لــك بـلابـه
فكرة هل التحديـث فـي عالـم الـزور
مافكـروا وشلـون صـنـع الربـابـه
ألمـان × ألمـان تفكـيـر وحـظـور
ماجمـعـت فـالـروس وإلا انبـابـه
Bm صنعـت للمسـافـات دسـتـور
سـم الخطـوط وعـز مـن ينتخـابـه
حطولهـا مـن قـو الإتقـان ماطـور
يـوم صنعـوه لقـامـزات السحـابـه
شدوا محركهـا علـى عشـرة شطـور
واثنيـن معـهـا فالمـلازيـم هـابـه
كن الكفر لاجاء علـى الجنـط محفـور
حـذو الخيـول اللـي تقـود الصحابـه
فتحـة غمـى واربـع تشاكيـل للنـور
للعـج والضلمـاء وهــل السحـابـه
والرابـع اللـي فالكرستـال منـثـور
رمـز التقـدم لـو تـغـم الضبـابـه
مع وجهها لاجيت لـو طحـت معـذور
ماكـنـك إلا داخــلٍ لــك بغـابـه
لاقـام يلعـج عكـس الأضـواء بلـور
كنـك تحلـى فـي عـيـون الذيـابـه
مصفـق جوانبهـا مضمـر ومفـتـور
مثـل القعـود اللـي ينومـس شبابـه
حفـرة رفارفهـا مثـل منـور السـور
فالأندلـس يـوم إن طـارق سطـابـه
قزازهـا كنـه مـن البـعـد ديـجـور
وإلا القـزاز اللـي هـذاك إحتمـابـه
فالبنـك لا جيتـه مـدبـل ومسـتـور
وشرهتـك للـي راح يدعـم حسـابـه
ولاجيتها من خلف عملـه مـن اليـور
أجـزل كلامـك ياعجـيـب العجـابـه
لاقام يرهش بوسـط القلـب عصفـور
والقلـب يذكـر مامضـى مـن عذابـه
كنك تشـوف بـدور وتقـول يابـدور
بنت النصـارى عـن شمـال الكسابـه
إليا ربطت خصـره بشاليـن وسيـور
وقامـت تكسـر وجـد وإلا صبـابـه
في ردفهـا الأيمـن ثمانيـن مسعـور
وفي ردفهـا الأيسـر جنـون وغرابـه
طبلونهـا بالتـو والأيــت والـفـور
ويكشـح مثـل وقـدة زعيـم الذرابـه
أبو علي لاصار مـن دون أبـا القـور
الأردح الـلـي يستـحـق المـثـابـه
إليـا وقفـت كـل التحـف مالهـا دور
تعطـي شمـوخ وكبـريـاء ومهـابـه
مقدم مراسمهـا علـى القـاع منـزور
عـودٍ تحيـدب قـام يـقـرأ كتـابـه
كرسي دريولهـا يشابـه مـع الـزور
كرسـي ..... قبـل تـنـوخ ركـابـه
لاسقتهـا كنـك مـع النـاس مشهـور
أو كنـك المطنـوخ وســط الغـلابـه
تعطيـك رزه وإستحـائـات وشـعـور
بـان الوليـد يمـوت ماصـك بـابـه
لوانت متواضع تبـى تصيـر مغـرور
ولوأنـت متضايـق تخمـك رحـابـه
شـيً بديهـي ومتنـاقـل ومخـبـور
الماء علـى المـاء يالسنافـي حزابـه
والمـال بالقـرآن يـاخـوك مـذكـور
هـو زينـة الدنيـا وحلـوة شبـابـه
لو راعي الددسـن يهيجـن ومسـرور
تـراه يخشـى مـن تبـيـن عـذابـه
أركـب عليهـا يامحمـد علـى الفـور
والـدرب خلـه شــيء ماينـدرابـه
واخذ الكتاب اللي بـه الوجـد مبـذور
وخفف عـن اللـي بالتزايـد صوابـه
وانحربها رجلٍ علـى الطيـب دكتـور
وكنـه علـى رأس المراجـل عصابـه
سعود يسبح في خيالـي مـن شهـور
حربـي ولا بيـنـي وبيـنـه قـرابـه
لكـن يسـوى عنـدي ألفيـن هـاذور
والطيـب واحـد والـرخـوم تشـابـه
انص لمحله وانـت يالـذرب مشكـور
تلـقـاه واقــف ويتبـسـم بنـابـه
ويقول بلسانـه تـرى الطيـب مقـدور
ويامرحبـاً بالـلـي لفـانـي هـلابـه
في مجلسه تلقى علـى يمينـك طيـور
قشـر الوحـوش مبيـنـات القطـابـه
واللي على اليسرى شمالٍ عن السـور
صفـة بغـاديـدٍ تجـيـب الطـرابـه
تتكي علـى جمـرٍ محظـب ومحكـور
يشـدى لجمـرٍ فـي خفوقـي عثابـه
وفي وسطي المجلس على الوسط مزرور
وكـرٍ عليـه اللـي مجسـه صـلابـه
تلقى العضب مرهي وواثـق وماسـور
والحـر يـدري بـأن طيبـه مثـابـه
ماضـره اللـي بايمـن الكـف مبتـور
دامه ليـا منـه نـوى الخـرب جابـه
غيـره مخاليبـه تقـل صفـة ضفـور
وهـو مثـل صفـة شطـار الحـدابـه
الله خلـق كفـه علـى الـدم مجبـور
وغيـره كفـوفـه مــدرجٍ للذبـابـه
أجلس وعطـه اللـي بالقلـب محفـور
وعجـزت لاقولـه وهــو ينحكـابـه
أستر على نفسي وانـا منـه مقهـور
ليـن إن جسمـي قـام يثقـل مصابـه
أبختصر لـك وانـت ياراعـي الطـور
تفهـم رمـوزي لـو رمـوزي تشابـه
عفت الحرار اللي بهـا يقطـع الشـور
وعفت الـدروب اللـي يبيـن الردابـه
وعفت القصيد اللي به السلـم مكسـور
مـدام ربــك مايخـيـب الرجـابـه
ولو إن قلبـي داهـلٍ معشـور الحـور
لقـول عـفـت مقـربـات النسـابـه
وبيني وبينك وأنـت تـدري ومعـذور
عفتـك وعفـت الـروح ممـا جرابـه
كـن الكـدر يدلـي عليـه بسـاطـور
وكنـي صويـبٍ بيـن شهـب الذيابـه
مدحور من ذاتـي وانـا مـن مدحـور
وسيـف الهواجـس يحتدينـي عطابـه
هو ليه هستربي ردى الحـظ والجـور
هـو ليـه كفـي يلحقـونـه معـابـه
مد الرخاء ماهـو مثـل مـد مهصـور
وأنـا أمـد وكــن مــدي نهـابـه
أموت في وسعـه ولا امـوت محجـور
والسيف يصدي لاانظلـم فـي جرابـه
أبختصـر ياسعـود مانيـب محصـور
وابخـفـي الـلـي دار مايـنـدرابـه
واسمحلـي اردد مثـل بنـدر سـرور
(وحـدك ولاخـوة جمـوع الـزلابـه)
أخوكم :
ذيب حرب
ياصاحبـي يانـور يـانـور يـانـور
والوقت ضلماء وانـت مـن يقتدىبـه
ضاقت عليّ وضقت من حـرة الجـور
مـن شـي والله ماحسبـنـا حسـابـه
مير الوكـاد إنـك تبـي تتقـن الـدور
قصة مسلسـل وانـت ضـد العصابـه
صافـي نوايـا وانـت بالله منـصـور
حط بيمينـك سيـف واقضـب نصابـه
واركب على اللي لانخيته علـى القـور
ماكـنـك إلا تنتـخـي لــك بـلابـه
فكرة هل التحديـث فـي عالـم الـزور
مافكـروا وشلـون صـنـع الربـابـه
ألمـان × ألمـان تفكـيـر وحـظـور
ماجمـعـت فـالـروس وإلا انبـابـه
Bm صنعـت للمسـافـات دسـتـور
سـم الخطـوط وعـز مـن ينتخـابـه
حطولهـا مـن قـو الإتقـان ماطـور
يـوم صنعـوه لقـامـزات السحـابـه
شدوا محركهـا علـى عشـرة شطـور
واثنيـن معـهـا فالمـلازيـم هـابـه
كن الكفر لاجاء علـى الجنـط محفـور
حـذو الخيـول اللـي تقـود الصحابـه
فتحـة غمـى واربـع تشاكيـل للنـور
للعـج والضلمـاء وهــل السحـابـه
والرابـع اللـي فالكرستـال منـثـور
رمـز التقـدم لـو تـغـم الضبـابـه
مع وجهها لاجيت لـو طحـت معـذور
ماكـنـك إلا داخــلٍ لــك بغـابـه
لاقـام يلعـج عكـس الأضـواء بلـور
كنـك تحلـى فـي عـيـون الذيـابـه
مصفـق جوانبهـا مضمـر ومفـتـور
مثـل القعـود اللـي ينومـس شبابـه
حفـرة رفارفهـا مثـل منـور السـور
فالأندلـس يـوم إن طـارق سطـابـه
قزازهـا كنـه مـن البـعـد ديـجـور
وإلا القـزاز اللـي هـذاك إحتمـابـه
فالبنـك لا جيتـه مـدبـل ومسـتـور
وشرهتـك للـي راح يدعـم حسـابـه
ولاجيتها من خلف عملـه مـن اليـور
أجـزل كلامـك ياعجـيـب العجـابـه
لاقام يرهش بوسـط القلـب عصفـور
والقلـب يذكـر مامضـى مـن عذابـه
كنك تشـوف بـدور وتقـول يابـدور
بنت النصـارى عـن شمـال الكسابـه
إليا ربطت خصـره بشاليـن وسيـور
وقامـت تكسـر وجـد وإلا صبـابـه
في ردفهـا الأيمـن ثمانيـن مسعـور
وفي ردفهـا الأيسـر جنـون وغرابـه
طبلونهـا بالتـو والأيــت والـفـور
ويكشـح مثـل وقـدة زعيـم الذرابـه
أبو علي لاصار مـن دون أبـا القـور
الأردح الـلـي يستـحـق المـثـابـه
إليـا وقفـت كـل التحـف مالهـا دور
تعطـي شمـوخ وكبـريـاء ومهـابـه
مقدم مراسمهـا علـى القـاع منـزور
عـودٍ تحيـدب قـام يـقـرأ كتـابـه
كرسي دريولهـا يشابـه مـع الـزور
كرسـي ..... قبـل تـنـوخ ركـابـه
لاسقتهـا كنـك مـع النـاس مشهـور
أو كنـك المطنـوخ وســط الغـلابـه
تعطيـك رزه وإستحـائـات وشـعـور
بـان الوليـد يمـوت ماصـك بـابـه
لوانت متواضع تبـى تصيـر مغـرور
ولوأنـت متضايـق تخمـك رحـابـه
شـيً بديهـي ومتنـاقـل ومخـبـور
الماء علـى المـاء يالسنافـي حزابـه
والمـال بالقـرآن يـاخـوك مـذكـور
هـو زينـة الدنيـا وحلـوة شبـابـه
لو راعي الددسـن يهيجـن ومسـرور
تـراه يخشـى مـن تبـيـن عـذابـه
أركـب عليهـا يامحمـد علـى الفـور
والـدرب خلـه شــيء ماينـدرابـه
واخذ الكتاب اللي بـه الوجـد مبـذور
وخفف عـن اللـي بالتزايـد صوابـه
وانحربها رجلٍ علـى الطيـب دكتـور
وكنـه علـى رأس المراجـل عصابـه
سعود يسبح في خيالـي مـن شهـور
حربـي ولا بيـنـي وبيـنـه قـرابـه
لكـن يسـوى عنـدي ألفيـن هـاذور
والطيـب واحـد والـرخـوم تشـابـه
انص لمحله وانـت يالـذرب مشكـور
تلـقـاه واقــف ويتبـسـم بنـابـه
ويقول بلسانـه تـرى الطيـب مقـدور
ويامرحبـاً بالـلـي لفـانـي هـلابـه
في مجلسه تلقى علـى يمينـك طيـور
قشـر الوحـوش مبيـنـات القطـابـه
واللي على اليسرى شمالٍ عن السـور
صفـة بغـاديـدٍ تجـيـب الطـرابـه
تتكي علـى جمـرٍ محظـب ومحكـور
يشـدى لجمـرٍ فـي خفوقـي عثابـه
وفي وسطي المجلس على الوسط مزرور
وكـرٍ عليـه اللـي مجسـه صـلابـه
تلقى العضب مرهي وواثـق وماسـور
والحـر يـدري بـأن طيبـه مثـابـه
ماضـره اللـي بايمـن الكـف مبتـور
دامه ليـا منـه نـوى الخـرب جابـه
غيـره مخاليبـه تقـل صفـة ضفـور
وهـو مثـل صفـة شطـار الحـدابـه
الله خلـق كفـه علـى الـدم مجبـور
وغيـره كفـوفـه مــدرجٍ للذبـابـه
أجلس وعطـه اللـي بالقلـب محفـور
وعجـزت لاقولـه وهــو ينحكـابـه
أستر على نفسي وانـا منـه مقهـور
ليـن إن جسمـي قـام يثقـل مصابـه
أبختصر لـك وانـت ياراعـي الطـور
تفهـم رمـوزي لـو رمـوزي تشابـه
عفت الحرار اللي بهـا يقطـع الشـور
وعفت الـدروب اللـي يبيـن الردابـه
وعفت القصيد اللي به السلـم مكسـور
مـدام ربــك مايخـيـب الرجـابـه
ولو إن قلبـي داهـلٍ معشـور الحـور
لقـول عـفـت مقـربـات النسـابـه
وبيني وبينك وأنـت تـدري ومعـذور
عفتـك وعفـت الـروح ممـا جرابـه
كـن الكـدر يدلـي عليـه بسـاطـور
وكنـي صويـبٍ بيـن شهـب الذيابـه
مدحور من ذاتـي وانـا مـن مدحـور
وسيـف الهواجـس يحتدينـي عطابـه
هو ليه هستربي ردى الحـظ والجـور
هـو ليـه كفـي يلحقـونـه معـابـه
مد الرخاء ماهـو مثـل مـد مهصـور
وأنـا أمـد وكــن مــدي نهـابـه
أموت في وسعـه ولا امـوت محجـور
والسيف يصدي لاانظلـم فـي جرابـه
أبختصـر ياسعـود مانيـب محصـور
وابخـفـي الـلـي دار مايـنـدرابـه
واسمحلـي اردد مثـل بنـدر سـرور
(وحـدك ولاخـوة جمـوع الـزلابـه)
أخوكم :
ذيب حرب