بين الشرق والغرب !!

جرح مجروح · 20-06-08, 06:05 PM

هذي الرسومات صممها طالب صيني درس وعاش في أمريكا، لكن الصراحة جابها صح
طبعا اللي بالأحمر هم الشرقيين (العرب و الاسيويين وتدخل معاهم حتى افريقيا) واللي بالأزرق هم الغرب (اوروبا وامريكا)

--------------------------------------------------------------------------------

1- كيف تقول رأيك
الشرقيين يلفون ويدورون اما الغرب يعطونك اياها في مباشرة

2- طريقة الحياة
المجتمع الشرقي اجتماعي اما الغرب يعيشون منفصلين

3- المواعيد

الشرقيين اما انه يجي قبل الدوام بساعة (ياباني) والا ساحب ساعتين لأنه راحت عليه نومه (سعودي) أما الغربيين يجونك على وقت الدوام بالضبط
طبعا قيسها على باقي المواعيد اليومية من عزايم وغيرها

4- التواصل

المجتمع الشرقي افراده متواصلين مع بعض وكل واحد يعرف الثاني اما الغرب فعلاقاتهم محدودة

5- اظهار المشاعر تجاه الاخرين
بعض الناس في الشرق تشوفه يسلم عليك ويضحك وهو من داخل نفسه يقول ( وش جاب هالادمي في وجهي) اما في الغرب اذا كان الواحد ماله خلقك يعطيك اياها مباشرة في وجهك

6- التنظيم
لا تعليق

7- الشوارع في أيام الاجازات
الناس في الغرب وقت الاجازة يقعد في البيت ويريح راسه والا يطلع له رحله أما عندنا تعال شوف الهنود وغيرهم كلهم يطلعون الشارع خاصة يوم الجمعة....

8- الحفلات (العزايم)
الشرقيين الله يسلمك يلتفون على صينية الاكل ويضربون بالخمسة اما الغرب فكل واحد تشوفه جاي الحفلة اللي معاه خويته وجالسين لحالهم واللي واقف لحاله كأنه ابليس،، المشكلة على اي اساس يسمونها (بارتي) مدام هم كل واحد لحاله

9- السفر
الشرقيين يحبون يصورون الاماكن الحلوة في السفر اما الغرب يكفيه انه يطالعها وخلاص

10- مواجهة المشاكل
ايضا لاتعليق

11- ثلاث وجبات في اليوم
الغرب فطور خفيف – غدا جامد – عشا خفيف
الشرق على طول جوعانين

12- وسائل النقل
هذي زي ماقال نهاش فتى الجبل والصحاري والقفار: بالامس كنا في المقدمة واليوم في المؤخرة
وبكره ان شاء الله نطلع لقدام

13- الشعور اثناء تغير الجو
الشرقيين ماتفرق عندهم مطر والا شمس أما الغرب يحبون الشمس على ايش ماادري

14- الرئيس في العمل
عندنا الرئيس شي كبير حتى لو كان ماعنده سالفة، اما هم الرئيس عندهم واحد زيهم الفرق انه عنده بعض الصلاحيات ولازم (ما يتعداها)

15- الطفل
الطفل في الشرق محاط برعاية العائلة كاملة من أكبر جد الى اصغر أخ
اما عندهم حده ابوه وامه هذا اذا ما رموه في ملجأ

تحياتي لكم

جرح

Bailsan · 23-06-08, 10:43 PM

صرآآآآآآآآآحهـ موضوع رااائع

أخوووي جروح

وربي انه صاادق بكل رسمه رسمهااا

فعلا ا

في اشياء تقهر وفي اشيااء حلوه

مثل الإبتسامه (:

يعطيك العافيه عن جد موضوع خطير ورااائع بنفس الوقت

ويصور الأحوال وعالحقيقه بعد

الف الف شكر لك أخوي جرح < ودهـآآ تغير اسمك ):

أحس يضيق صدري يوم اقول ه ):

بيلسآآآن < عيوش سابقآآ

جرح مجروح · 24-06-08, 12:06 AM

بيلسان

يا هلا والله

منور الصفحه وشاكرلك ع الرد الحلو

ومبروك ع النك الجديد ^ _ ^

ومن ناحية اسمي خليه ع ما هو لأني متعود

عليه حتى برى المنتدى ^ _ *

تحياتي لك

جرح

نظف جهازك	افحص جهازك	حافظ على جهازك	البوم الصور	المترجم	زخرف اسمك	خدمات عامة
مفسر الأحلام	مجلة المسلم	أسباب نزول القران	سيرة الرسول	الأدعية الصحيحة	الأسرة المسلمة	خدمات إسلامية
العاب	قصص	نكت 3	نكت 2	نكت 1	نكت عربية	خدمات ترفيهية
طلب دعم فني لموقعك		كيف تقوم بإختيار سيرفرك		ارشفة قوقل	ترتيبك بقوقل	خدمات لأصحاب المواقع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
الانتقال إلى العرض العادي العرض المتطور الانتقال إلى العرض الشجري

الإعلانات النصية
لول مو كول	مملكة المرأه	بلوتوث	رحمة الرحمن	جنون
دروس مدونات	ضع اعلانك	ضع اعلانك	السوالف	مصر

الذين يشاهدون محتوى الموضوع الآن : 1 ( الأعضاء 0 والزوار 1)