إلى كل أب إلى كل أم أرجوكم ادخلوا ..... أبي رد على أسئلتي ,,,

أمس جاني خبر زي الصاعقة فلانه تطلقت ؟؟؟؟؟؟؟؟؟؟؟
ليه !!!!!!!!!!!!!!!!!!!!!!!!
ما حصل توافق بينهم ,,,,
عقب ما طاح الفأس بالرأس و جابوا ضنا و عشرة عمر بالأخير ما حصل توافق !!!!!!!!!!!!!!!!
قالوا لي أصلا أنتي ما تعرفين السالفة......... السالفة و ما فيها إن الولد مغصوب على البنت لان الأم تعز أم فلانة و تتمنى يصير بينهم قرابة و نسب فضغطت على الولد بــــ الأول و بالزن و بالتالي تراي ما ني أمك إذا ما تزوجت فلانة ,,, تزوجها غصب عليه و المسكينة ما تدري انه مغصوب و تجري الأيام و يرجعها لبيت أهلها ما أبيها درت الأم و بدأ الزن مره ثانية يا وليدي تكفى أنت ما جلست معاها إلا كم شهر ما يدميك تتقبل الوضع الجديد رجعها و من هذا الكلام طبعا مثل ما تزوجها بالغصب رجعها بالغصب و حملت المرأة و ولدت و قعدت كم سنه معاه بس رجعها المرة الثانية لبيت أهلها ما أبيها و أصر على الطلاق بس عقب أيش عقب الأولاد !!!!!!!!!!!!






و السالفة الثانية فلان زنت أمه عليه يتزوج فلانة و تزوجها من كثر ما زنت و بعد كم سنه تزوج عليها و اختار هو عروسته بنفسه و الزوجة الأولى مسكنها ببيت أهله و عن قولت انه ما يزورها بغرفتها كل شهرين ثلاثة يدخل عليها و يرمي فلوس و يطلع ,,,,,






و الثالثة فلان عايش سعيد هو و زوجته ما عندهم خلاف يدخل أبو الزوج و يقول للزوج تطلق فلانة غصب عليك ,,يبه أنا ما شفت منها إلا كل خير ,,,
إذا أنا مو أبوك و لا أعرفك و لا تعرفني ,,,
طيب عطني سبب واحد بس عشان أطلقها ,,,
الأب ما أعجبتني






مداخله مني :
طيب أنت وش دخلك الرجل و زوجته مقتنعين ببعض ليه تفسد عليهم !!!!!!!!!!!!!!!!!!!!!





أنا ودي اعرف إلا متى التحكم بأولادنا !!!!!!!!!!!
إلا متى و حنا نأخذ قرار عنهم !!!!!!!!!!
إلا متى و حنا لو يحصل نتحكم بأنفاسهم ما قلنا لا ؟؟؟؟؟؟؟؟؟؟
ليه ما نعطي أولادنا حرية التفكير ؟؟؟؟؟؟؟؟
ليه ما نعطي أولادنا تحمل القرار اللي أخذه !!!!!!!!!!!!!!!
ليه نتدخل بشؤون حياته ,,,
خلاص الولد كبر كون أسرة بعيده عني ليه احشر نفسي فيه ,,, ليه أتحكم فيه ,,, إلى متى و حنا نتحكم و نأمر و ننهى !!!!!!!!!! ,,, أنا عارفه انك أنتي أم و وعارفه انك أب و لكن هو بعد إنسان له كيان و له شخصية وده يعبر عن ذاته ,,,, و يبرهن بتصرفاته ,,, يحس بالخصوصية ,,,,





ما أبي شكر أبي مناقشة ,,,و ما أبي رد من محدودين التفكير يقول هاذ من قبل الظاهر القصص اللي فوق تبرهن و أقسم بالله العلي العظيم حصلت قصة قبل سنتين و قصة أمس و قصة قبل سنه ,,,