التخصص المناسب لك ..... اراء واقتراحات؟؟؟؟

موعود الزمان

يعطيك العافية

والله موضوع فعلا مهم وخاصة اني الآن في سنة تمهيدي بالجامعة وبعدها التخصص

فعلا افدتني كثير اخوي

لا عدمناك


أخوك :
ذيب حرب

امير نورت موضوعنا اخي الكريم بمرورك

اما بالنسبه للتخصصات المحتار فيها

ممكن اعطيك نبذه حسب معلوماتي عنها

بالنسبه لطب الاسنان ..... تخصص حلو يبغاله تعب بس برضه يستاهل
بالنسبه للفرص الوظيفيه فهي متوفره بكثره لكن ممكن تاخذ فتره بسيطه
التخصص كما اسلفت مجهد حبتين .... وبرضه يبغاله قلب جامد !!!!
لان نظام كليات الطب هو انه في حال استلموا جثه للمشرحه
طلاب الطب غالبا ياخذون الجسم اما طلاب طب الاسنان يقطعون الراس وياخذونه
فلا تستغرب اذا حطك الدكتور قدام راس ادمي مقطوع وطلب منك تطبق
لوووووووووووول
وومكن تجيك حالات يعني تتعبك ....بس اخوي امير عارفك ذيب ما ينخاف عليك .
وبالنسبه للمواد الدراسيه فاغلبها تنصب على الاسنان وتركيبها
اما الكيمياء والتشريح والباثولوجي والفسيولوجي فتاخذونها بس بشكل غير مركز .

الصيدله...تخصص عملي ...متعب صحيح لكن التعب كله في الدراسه بعد الدراسه غالبا ان وظيفتك راح تكون مريحه لابعد حد
طبعا الصيدله تحتاج للحفظ والمتابعه اول باول
لان غالب دراسه الصيدله هي في الكيمياء والكيمياء العضويه
ومقررات الكيمياء راح تستمر معك الي نهايه دراستك
بس زي ما ذكرت سابقا تخصص في الكيمياء

المختبرات ..... واحد من اكثر التخصصات طلبا في الوقت الحاضر ... وممكن يكون توظيفك اسرع حتى من طلاب الطب اذا درست هذا التخصص ؟!!!

لان اي مستشفى ما تستغني عن قسم المختبر وفي حال زياده قسم في المستشفى لازم برضه يزيد عدد اخصائيين المختبر

التخصص ممتع جدا... وغالبه تطبيق عملي

واغلب محتوى دراسته هو في الهيماتولوجي والباثولوجي والمايكروبايولوجي
طبعا تاخذون من التشريح والكيمياء بشكل شبه مختصر
لكن الكيمياء العضويه بالغالب

ارجوا اني اكون اعطيتك نبذه مفيده عن التخصصات

والله يوفقك اخوي في اي تخصص تختاره

:::::::::::::::::::::::::::::::::::::::::::::::

ذيب حرب شرفتنا بمرورك اخي الكريم

شكرا لك على مشاركتك معنا

اما بالنسبه لكونك طالب في السنه التمهيديه

فشد حيلك اخوي ..... لان المعدل اذا كان عالي في بدايه الدراسه في الجامعه او الكليه ترتاح بعدين
لانك اذا بديت باساس متين راح تكمل وانت مرتاح من الانذارات وغيرها من مشاكل انخفاض المعدل

تمنياتي لك بالتوفيق اخي الكريم

وتمنياتي بالتوفيق لجميع الطلبه والطالبات


تحياااااااااااااتي