عريس نسى زوجته في المحطه (ستار مات)

بـسم الـله الرحمان الرحيم


كان في واحد توا متزوج ، فقرر انه يودي حرمته(زوجته) الفجيره للترفيه،

و طبعا كلنا انعرف ان المسافه طويله، المهم و هم في السياره طول الوقت

زوجته ساكته ما ترمس مستحيه منه و الزوج بعد ساكت، و المشكله ان

زوجته تبا اتروح الحمام بس ماتروم اتقول حق زوجها (مستحيه) فسارت

الكرسي الوراني و رقدت،و بعد مرور ساعه من الوقت وقفت السياره في

المحطه و نزل الزوج عسب يشتري ماي،فقالت الزوجه هاي فرصه انزل و

اسير الحمام و سارت الحمام و يوم ردت اتعرفون شو استوى انا بقولكم ما

حصلت السياره تمت يالسه مسكينه ما تعرف شو اتسوي و الزوج يالس

يسوق السياره يتحرى زوجته نايمه ورا، نرجع حق الزوجه،الزوجه حصلت

سياره داخلها عائله فقالتلهم السالفه و طلبت منهم انهم يلحقوا زوجها عسب

تركب عنده، ركبت وياهم و حصلوا سيارته و لحقوه بس الزوج مسكين

خايف و ما يعرف شو السالفه فقال: لا مابا اوقف اكيد اللي في السياره شباب

يبون يلعوزون خلق الله و انا زوجتي نايمه، المهم سرع و السياره تلحقه

عقب لاحظ ان اللي في السياره عائله فوقف السياره و نزل منها عسب

يشوف شو السالفه،راعي السياره الثانيه نزل و سلم عالزوج و قاله:انت

نسيت شي،فقاله الزوج:لا والله ما نسيت شي،فقاله الريال:سير السياره و

تأكد، مسكين الزوج سار و تفاجأ لان زوجته مو موجوده في السياره فسأل

الريال شو السالفه فقاله ان زوجته حصلوها في المحطه و هي الحين في

السياره معانا،فراح الزوج و ركبها السياره وهو المسكين مستحي و متقفط

(يعني الحين في حد ينسى زوجته).........

منقول


مع تحياتي شيخه