درب الفراق

[grade="800080 FF1493 800080 FF1493 800080"]ما انت اول من مشى يا حبيبي بهذا الطريق

ولا انت اول من تبع في دنيته درب الفراق

كل بدنياه جرب وصار فيها كالغريق

بعد ما تناسى محبه وخان به عهد الوثاق

وجاك دورك يا حبيبي تشعل بقلبي حريق

وتنسى ما بينك وبيني من عهود واتفاق

غرتك دنيا المهانه واخدعك ومض البريق

يا حسافه كيف مثلك يمشي بدرب النفاق

جيتني وانته تعاني وكنت باحزانك شريق

تشتكي لي م الخيانه ومن عنا غدر الرفاق

قلت لك داوي جروحك وأنسى ماضيك العتيق

محد يساوي دموعك والحزن مر المذاق

شلت احزانك بقلبي شلتها بقلب رقيق

ولا أظن في يوم أشكي لو على الصدر ضاق

وفي النهايه خنت عهد بيننا أصبح وثيق

يا حسافه ماهقيتك تنسى لحظات العناق

روح كمل في طريقك علك تلاقي رفيق

قلبي المجروح منك كان يحلم واستفاق

ولا تظن اني بدونك بحيا في هم وضيق [/grade]