مهم جدا للشباب بس اللي يدخل بدوون زعل بليييز ،،، خش لاتستحي،،،الموضوع فيه مهند

الدنيا حلوة · 31-08-08, 12:57 AM

مهم جدا للشباب بس اللي يدخل بدوون زعل بليييز ،،، خش لاتستحي،،،الموضوع فيه مهند

بسم الله الرحمن الرحيم

اهلين صبايا ،،،، وخصوصا شبااااب اتمنى من كل

شاب يقرا هالموضوع ويقارن ويكتشف الحقيقه

اشحالكمـ ??

اتمني الشباب مايزعلونـ ^_^

في الحقيقه والواقع .. المقارنه ثقيله على كبد الشباب .. لكن هذا شي ( لابد ) ان يكون .. عشان شبابنا المحترمين .. دايما كانو يقارنون بنات الخليج بـ هيفا ونانسي و رولا وغولا وغوريلا .. لكن جا الوقت اللي لازم يشوفون الحقيقه بعيونهم الاربع

- مهند -

يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :

( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )

- شباب الخليج -

يرجع الخليجي من الدوام .. يروح لـ زوجته .. وجهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :

( بسرعه حطي الغدا ميت جوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )

.
.

- مهند -

نور حامل .. يا الله على الدلع ! خايف عليها من نسمة الهوا .. ويقولها :

( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )

- شباب الخليج -

مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :

( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتتفلسفين علي )

.
.

- مهند -

مهند طالع مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !

- شباب الخليج -

الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..

وكل اللي قاله ( بسرعه خلصي .. ابي ألحق على ديوانية الربع ) !

.
.

- مهند -

قام من النوم نص الليل .. ما شاف زوجته عنده.. كان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )

- شباب الخليج -

قام من النوم نص الليل .. ما شاف زوجته عنده .. فتح الليتات .. قام يصارخ :

( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كسر ان شاء الله .. وينك انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمك بارد .. الله ياخذ اليوم اللي فكرت اخذك من اهلك فيه )

.
.

- مهند -

قاعد يقرا كتاب .. وفجأه جته نور .. لابسه فستان جديد .. وصار هالحوار ..

نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..

- شباب الخليج -

قاعد يطالع مباراه ريال مدريد وبرشلونه .. شبابنا مو مال كتب وثقافه !
و زوجته مستانسه بالفستان الجديد .. تبيه يشوفها .. جت قدامه عشان يشوف .. وصار هالحوار :

الخليجي : قوووووووووووومي قامت ركبّك وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني الجديد .. شرايك ؟!
الخليجي : وكذ تخربين علي المباراه .. ما شفت حركة رونالدينهو الحين فاتتني كله منك !
الزوجه : انزين عاااد .. شرايك بالفستان ؟!
الخليجي : وش هالموضة الخايسه اللي طالعين فيها انتو يالبنات ؟! هذا فستان بذمتك ؟! لو لابسه خيشة البصل احلى بكثير.... !!!.

ههههههههههههههههاااي

اتمنى انه يعجبكم

بس للأمــــــــــــــــــــــــــانه
منقووووول

بس يلا يالشباب شدو حيلكم بالردود

نبض الفؤاد · 04-09-08, 05:37 AM

الدنيا حلوه
الله يعطيك العافيه
بصراحه أنتي صادقه بهذا كله سواء منقول أو لا
وشكلهم مافي أحد يقدر يرد على هيك موضوع وأمكن
مطنشين الموضوع
تقبلي مروري
نبض الفؤاد

ابيك بعيوبك ابيك · 05-09-08, 07:34 AM

عزيزتي الدنيا حلوه يعطيك العافيه واتمنى تتقبلين الرد بروح رياضيه
وسعه صدر مثل(نور).....اولا اصابع ايديك مو مثل بعض لما تعممين على شباب
الخليج..وبالعكس بنات الخليج أحلى بنات ولي يقارنهن بهيفاء واليسا و....
اعتقد انه ماسمع بعمليات التجميل والسلكون...تقولين يرجع مكشرصايده الشمس على اي اساس قلتيه انا كل يو م ارجع مبسوط ليش اطلع بدري
من الدوام وماتصيدني الشمس,,,غيري يطلع 2بعز الظهر وزحمه طريق الملك فهد
او خريص...والله لو مهند فيه ان يعاف نفسه مو نور بس بس الظاهر انك ماجربتي الزحمه بالرياض...الجويلعب دور في نفسيه الشخص عطيني جو وطبيعه مثلهم
اكون احسن منهم...مو يوم حر ويوم غبار...وتبين المزاج يكون رااايق على طول صعبه...........بس والله
كلنا نخاف على زوجاتنا ونحترمهم ونقدرهم ونغار عليهم ونلبي طلباتهم
ونطلع مهاهم للسوق وياخذو راينا والعكس..لكن اعتقد ان عندنا عادات وتقاليد
تخلينا نكون متحفظين اكثر ولانظهر مشاعرنا للغير....
بس في الاخير يظل شباب الخليج الافضل وبنات الخليج الأحلى
وأتمنى تطالعين الكاس كله مو نصف الكاس
تقبلى مروري ودمتي بخير

الدنيا حلوة · 06-09-08, 12:16 AM

الله يعطيكم العافيه على المرور العذب

وكلامك يا أخوي بدون تعليق

وبعض كلامك صح يا أخوي ودمتم بخير وسعاده

اخت الرجال · 09-09-08, 07:20 AM

الدنيااا حلوووه
انا مع اخوي لانه كل كلامه صح
انه مافي احلى من شباااااب الخليج وبنات الخليج بعد )
وان اصابعك مو سوا
ومو كل شباااب الخليج مثل الي قلتي عنهم بموضوعك
في منهم الصالح وفي منهم الفاسد
وانا رايئ في مهند ان كل الي يسويه احفظه بورقه وسمعه للكاميرا وانا رايي المسلسلات التركيه وخاصه نورالمسلسل كان مبالغ فيه
واحس انه غزو فكري مو اكثــــــــرر
ع العموم يعطيك اختي ااالف عااافيه
ودمتي بخيـــــــرر وسعااااده
اخت الرجاااال

ممدوحي · 19-09-08, 10:44 AM

اذا هالمقارنه من باب المزح والمداعبه

أقدر أسوي مقارنه بين نور وفطووووم

بين نور الي تنوع في لبسها وكشختها واهتمامها بزوجها

وبين فطوم اللي همها مين تزور اليوم ومن هالخرابيط

اما اذا المقارنه من باب الجد والاقتناع بمهند

فأنا أقف هنا ولا أعلق لأن لا استطيع أن أمسح

غزو فكري من أحرف بسيطه حتى لو تكلمت 2000 حلقة

نظف جهازك	افحص جهازك	حافظ على جهازك	البوم الصور	المترجم	زخرف اسمك	خدمات عامة
مفسر الأحلام	مجلة المسلم	أسباب نزول القران	سيرة الرسول	الأدعية الصحيحة	الأسرة المسلمة	خدمات إسلامية
العاب	قصص	نكت 3	نكت 2	نكت 1	نكت عربية	خدمات ترفيهية
طلب دعم فني لموقعك		كيف تقوم بإختيار سيرفرك		ارشفة قوقل	ترتيبك بقوقل	خدمات لأصحاب المواقع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الإعلانات النصية
لول مو كول	مملكة المرأه	بلوتوث	رحمة الرحمن	جنون
دروس مدونات	ضع اعلانك	ضع اعلانك	السوالف	مصر

الذين يشاهدون محتوى الموضوع الآن : 1 ( الأعضاء 0 والزوار 1)