الكتكوته , حربيه , سلطان الكويت, اعضاء مميزو&#

كلما اجيك او كل ماانته تجيني *** خايف افقد شعوري لاشعورياً
دام وقت العـتب مابيــنك وبيني *** احفظـه لأننا مشغــول حالـياً
ابتسم لي لأجل ترجع لي سنيني *** رشفة الحب خير يقال علمياً
بانبضك نبض قلبي في شراييني *** كنه موجز خبر عاجل وحصرياً
ليش تهدي جروحي بالسكاكيني *** كل مااقول ويش بك قلت عفوياً
بالعقل مايجوز اموت وتحييني *** صعب احيا عقب مااموت عقلياً
غير شعري عن اوصالك يكفيني *** مثل صوتك على الهاتف سماعياً
أنت شهدي ودواي اللي يداويني *** شرط يوخذ ثلاث مرات يومياً
دايم ابين حروفك ولا تبيني *** ودي انها على الشاشات رسمياً
يوم تاريخ هجرانك يخليني *** بالهوى اقلب الميلاد هجرياً
والشعر اشبه بلعبة على ايديني *** اكتبه كلما ابغي دوم فورياً
لو تريد اكتبه حاضر ومن عيني *** تبغي عطره رجالي او نسائياً
كلما اجيك او كل ماانته تجيني *** تبري جروحي وارتاح نفسياً