هل تسامح انسانة جرحت قلبك وعبثت بمشاعرك؟مهمة مشاركة الاعظاء

بسم الله الرحمن الرحيم

هذي قصة انسان متزوج انا اعرفه شخصيأ واعرف جميع اسراره وطلب مني التدخل في مشكلتة ومساعدتة في حلها وانا ماابي اتأخر عليه
وابي اخذ رايكم وارجوا منكم ابداء الرأي لكي اتمكن من مساعدتة وقمت وطرحت علية فكرة تنزيل موضوعة بالمنتدى بدون ذكر الاسماء او الاماكن فوافق على الفكرة وكلي امل فيكم بان تساعدوني؛وتفيدوني بوجهة نظركم
اليكم قصتة؛؛؛
تعرف على بنت من مدينه بعيده بمسافة400/كلم/ عن مدينته التي يسكن فيها عن طريق احدى المجالات الموبايل او تقابل معها بأي مكان عام او تعرف عليها بأي طريقه ثانية وكانت هي اول من بدأ بالتلميح له وجذبته اليها وتم التعارف بينهم واحبها وبعد مضي فترة من بداية تعارفهم على بعض قام بمصارحتها بحقيقة مشاعره تجاهها وهوا صادق معها من البدايه ولم يخبي عنها اي شئ سواء كانت كبيرة اوصغير وصريح معها ولا لف ودار معاها بما في ذلك انه انسان متزوج وابلغها عن السبب الي اجبره الزواج مره ثانيه وقتنعت هي بالاسباب هذي وتعرف هي هذا الشئ لانه مصارحها بكل شئ من البدايه وهدفه من هذه العلاقة علاقه شريفه تنتهي بالزواج وقامت هي وقالت له انا بعد مثلك احبك وابيك تكون شريك حياتي وقال لها اذأ احنا متفقين فما رأيك ان اجي واخطبك من اهلك وانا مستعد الان وقالت له اصبر شوي لحد ما امهد الامور مع اهلي واقولك وقال لها انزين انا انتظرك تنجزين هذا الامر وبصوره عاجلة ؛؛ومن البداية طلبت منه طلبت مبلغ مالي
وساعدها وقال لها بلغة التحذير لاتفكرين اني ساذج اوغبي يمكن انك تفكرين وشلون قبلت اساعدك وانا لا اعرف عنك شئ؛ حتى بيتك مااعرفه انتبهي ترى تفكيري يفوق تفكيرك بمراحل وما احب اللف والدوران؛ كل مكان الانسان صادق معاي اخدمة بعيوني وحطه على راسي من فوق سواء انتي او غيرك؛ بس اهم شئ لا يلف ولا يدور معاي؛
مرت الايام والشهور ولم تكلمة عن موضوع تمهيد الامور مع اهلها وكانت تطلب منه أي شئ هي تريده وكان لايتأخر عليها في شئ تطلبه منه واذا طلبت شئ تحصلها اشغلته بالموبايل وتقول له انت سافرت وجيت ولالسة واثناء الطريق كل شوي تتصل فيه تسأل وين انت الحين وصلت ولا لسة لحد مايوصل لها طلبها؛وبعدها ماتكلف نفسها تسأل عنه متى راح يسافر ويرجع لمدينته؛ ولما يسافر راجع لمدينتة وهي عندها خبر انه بيسافر في هذا اليوم وبيرجع ماتكلف نفسها تقوله الحمدللة على السلامة سواء بمكالمة او بمسج ترسله له وكان يقول
لها بأنها ما تسأل ولا تهتم منه بعد مايحقق لها الي تبيه ؛وهوا من زود حبه لها لايريدها ان تحس بأن شئ ناقصها ونفسها فيه ولا يريدها ان تطلب من احد شئ تحتاج اليه ويردها خائبة ويكدر خاطرها؛لدرجة انه صرف عليها مبالغ طائلة وكانه زوج لها او والدها@ ولاكن هوا لم يحس بحبها له لدرجة انه يريد سماع منها كلمه احبك ودائمأ يطلب منها سماع هذي الكلمة وتتعذر بأنها تستحي ويعذرها ويطلب منها بان تكتب له مسج حلو عن طريق الموبايل مكتوب فيه انا احبك اموت فيك مثل هالعبارات وتقول له لا اعرف اكتب؟وليس قصدها انها لا تعرف تكتب املاء؟ لا بس قصدها ان عقلها لا يعرف ان يجمع كلام كهذا وتكتبة؟ ولاكن هوا يمشي الامور معها لانه يحبها بجنون ولا يريد ان يحملها شئ فوق طاقتها؛ ويقول لنفسه بكرة بتحس فيني وبتعرف انها كانت مقصره معاي وبتعوضني بعد الجفاء الي شفته منها؛ وبعد مضي سنتين وزيادة تفاجئ بأنها تقول له اعذرني ما اقدر ان اتزوجك قال لها وماهوا السبب قالت له انا فكرتك انك تمزح وبعدين انت انسان متزوج واهلي ما بيوافقون عليك قال لها سيبي منك اهلك خليهم بعدين انا ابيك تكلميني عن نفسك انتي؛ انتي تبيني ولا لا اعتقد كلامي واضح انا ابي رأيك انتي
قالت له لا؟ وبعدها قفل الخط معها وهوا في حالة اللة الي يعلم فيها؛ وتمالك اعصابه علشان ما يبي يجرحها بكلمة واحدة لحبه لها؛ وبعدها تواصلت معاه لاكن لم تغير موقفها من الموضوع وستمرت معاه على نفس النمط اذا احتاجت شئ لاتتردد ان تطلبها منه وقال لنفسه يمكن تغير موقفها لانها تدري اني احبها ولا اعرف اللف والدوران ومتاكدة مني زي ماهي متاكدة من نفسها وواثقة فيني كل الثقة وبعد سنة من بعد ما صارحته انها لاتريده زوجا لها؛ وفي يوم من الايااتصلت عليه وتقول له عندي حاجة لك تفرحك وبتستانس منها وقال لها وشنهوا هذا الشئ قولي قالت بعدين اقولك واصر على ان تقول له الحين قالت انزين بقولك
قالت :انا مخطوبه والملكه الاسبوع الجاي؛ قالتها له بلهجة الانسانه المبسوطه المستانسه بدون ما تراعي شعوره وبعدها ضاق به الكون وضاق صدره وتغير كلامة وحست انه مو الانسان الي تعرفه يتاخر مايرد عليها وتقول له ليش انت ماتفرح لفرحي قال لها انها افرحلك في كل شئ الا هذاوانتي عارفه ايش تكوني بالنسبة لي وايش الي انا ابيه منك بالظبط وبعدها قفل الخط ولا يدري اهو بحلم ولا بعلم ولا يدري الى اين يذهب اوايش يسوي يمشي كالمجنون فاقدأ عقله ومو مصدق الي جالس يصير معاه حتى الانسانه الي احبها ماراعت شعوره وهي تقوله خبر خطوبتها؛لا وتقوله بلهجة الانسانه الفرحانه
وهوامن طبيعته الطيبة والحنيه لا يعرف يكره احد ولا تشيل في قلبه على احد
ولا يحسد احد؛ وطيب زيادة عن اللزوم وليس معها وبس بل طيب مع الكل؛
وبعدها بيومين اتصلت عليه وتريد ان تعرف نواياه تجاهها وختصر الكلام عليها وقال لها انا مابي اتكلم معاك في اي شئ انتهى الي بيننا؛؛
كل الي ابي منك تردين لي حقوقي الي اخذتيها مني بدون وجه حق وبس ردي حقوقي قبل اي شئ؛وكلا منا يروح بحال سبيلة والله يستر عليك دنيا واخره قال لها وبالاسلوب هذا لانه نابع من طيبته لو كان احد غيره كان سمعها كلام يسم البدن ويجرح مشاعرها ولا راح يفكر فيها؛ وبعد ما سمعت هالكلام منه تغير صوتها؛ وقام واستأذنها بقفل الخط وقفل الخط وبعد ما قفل الخط معاها تغيرت حالتها وصارت حزينة لانها تعرف انه يقدر
ان يدمر حياتها وتعرف هي انه يمتلك صورها وموجوده عنده الي دزتها له بالموبايل من غير المكالمات المسجلة وهي تكلمه؛ وخائفة من ان يفضحها وكلمت اهلها تخبرهم بأنها ليست موافقه على العريس الي متقدم لها علما بانها وافقت عليه من البداية من اول مرة تقدم لها وفي الاخير اجبروها اهلها على العريس المتقدم لها وقالوا ايش نقول لهم وانتي وافقتي من البدايه واعطيناهم كلمة بانك موافقة وجاء يوم ملكتها والدنيا ضايقه فيها وقامت اختها الاصغر منها وهي متزوجة انتبهت لحالة اختها تبدوا حزينة وتعيسة وسألتها اختها عن سبب حزنها وابلغتها بقصتها كاملة وانها خائفه من ان يفضحها وانه يبي ان ترد حقوقه له ؛وضاقت اختها عليها وزعلت من تصرفاتها هذي وصارت تسمعها كلام يسم البدن وتقول فشلتينا وامي وابوي لو يصير فيهم شئ انتي السبب وعمري ماراح اسامحك؛وقامت اختها الاصغر منها وتصلت عليه وقامت تترجاه
وقالت له والعياذ بالله لوتبيني اسجد لك سجدت قال لها استغفري ربك كيف تسجدين
لغير اللة ما توصل الامور الى هذي الدرجة استغفري ربك وتعوذي من الشيطن
وبعد ما قال لها هذا الكلام احست ان هذا الانسان طيب وان اختها هي التي جنت على نفسها وانها كانت ليست صادقة مع الانسان هذا وبعدها قالت له انا اسدد لك المبلغ الذي صرفته على اختي علما باني لست موظفة بس ببيع الذهب حقي وحق ابنتي الصغيرة بعدها احس بشفقة عليها وتقطع قلبه وهوا يسمع هذا الكلام وقال لنفسه هذي طيبة مو مثل اختها ايش ذنبها تتحمل كل هذا المبلغ وهي لاذنب لها فيه قال لها علشان خاطرك واسلوبك معاي في الكلام راح اطرح نص المبلغ بس بشرط اختك اهي الي تقولك كم المبلغ الذي
اطلبه منها بس تصدق معاي لو مره في حياتها واذكر انها اصدقت معاي في شئ وسألت اختها وقالت لها كم المبلغ الي يبيه منك قالت لها حدود ال30الف ريال رجعت تكلمة قالت له انها تقول حدود ال30 الف ريال قال لها انا وعدتك اطرح النص وبوفي بوعدي لك اذا كانت 30 الف تصير 15الف قالت له انت متأكد انها 30 الف قال لها خليها على ال30 الف لاني حاسب المبلغ واذا قلتلك كم المبلغ بيتطلع اكثر من كذا بس خليها على زي ما قالت اختك قالت له اوكيه نخليها على 30 بس ابي اعرف كم المبلغ الاساسي قال لها المبلغ الاساسي 39650ألف ريال فهمتي ليش كنت اقول خليها على ال30ألف قالت له خلاص بس امهلني وقت ادبر لك البلغ
قال لها خذي راحتك ولا تفكرين فيني الحين خليني انا اخر اهتماماتك وبعدها فكري فيني وكيف تسددين المبلغ طبعا كل هذا الي سوته خايفه لا ينفضحون ويصير لابوها وامها شئ@بعدها احست حبيبته بالظلم الي سوته معاه ومرضت حبيبته ودخلت المستشفى ما يقارب ال3 مرات وحالتها صعبة للغاية ونقص وزنها وصار وجهها ذبلان ومع ذلك ضل واقف معها ما رضى يرحل عنها وهي تعبانه علما بانها تملكت وصارت على ذمة
انسان وكان يسأل عنها اختها كيف احوالها بس تقوله احواله ماتبشر بخير قال لها اذا زرتيها بالستشفى حبي على رأسها وسلميني عليها وقولي لها فلان يسلم
عليك ويقولك ماتشوفين شر؛ زارتها اختها وهي بحاله صعبة ماتتكلم حتى الكلام
وسوت الي قال لها عليه حبت راسها وقالت لها هذي من فلان ويسلم عليك ويقولك ماتشوفين شر بعد ما قالت لها الكلام قامت تبكي وتصارخ بصوت عالي
في المستشفى وضل معاها لحد ما طلعت من المستشفى@وبعد ما طلعت
احست باحساس غريب لاول مره تحس فيه احست بان حبيبها يسكن في قلبها وتحبه
ومحتاجه له وماتقدر تفارقه؟وندمانه على كل شئ سوته معاه وتبي ترجع له وتعوضه عن كل شئ بس بعد ايش بعد مافات الاوان وتذكرت انها خلاص ماتقدر ترجع له لانها صارت متملكه وصارت على ذمه انسان؛ وتعبت مره ثانية ورجعت للمستشفى اليوم الثاني؛ وضل معاها ما تركها بروحها وارسل اختها مره ثانية تحب راسها وتقول لها هذي من فلان ويسلم عليك ويقولك انه ما راح يتركك الا لما يتطمن عليك وتطلعين من المستشفى ولما سمعت هذا الكلام من اختها احست بأن روحها رجت لها وضل معاها واقف لحد ما طلعت من المستشفى
وبعدها صارحته بكل شئ وانها ندمانه وتبي ترجع لحبيبها بس ماتقدر
وتبي ترجع له حقوقه الي اخذتها منه؛؛؛
لاكن ماذا يفعل؟
السؤال: هل يسامحها بعد ما لعبت بمشاعره وجرحته؟
وحقوقة التي اخذتها منه بطريقة التمثيل بالحب يتنازل عنها ام يأخذها؟
وما هوا الحل في نضركم؛؛؛
ارجوا التفاعل مع الموضوع والمشاركة
ولكم تحـــــــياتي؛؛؛
الحلم القوي